«Heta tryźnieńnie!» Radzina prakamientavała zajavu Azarava pra toje, što «Chartyja-97» chacieła kupić «Bajpoł»
Pradstaŭnik pa adnaŭleńni zakonnaści i pravaparadku Abjadnanaha pierachodnaha kabinieta Alaksandr Azaraŭ u efiry «Jeŭraradyjo» zajaviŭ, što «Chartyja-97» chacieła kupić «Bajpoł». Hałoŭnaja redaktarka vydańnia Natalla Radzina prakamientavała «Našaj Nivie» hetyja słovy.
Voś što raskazvaŭ Azaraŭ:
«Chartyja-97» chacieła nas u svoj čas kupić, «Bajpoł». Jany niekalki razoŭ zaprašali nas da siabie, prapanoŭvali hrošy i prapanoŭvali pracavać na ich. Ale kali ja ich zapytaŭ, ci jość u vas jakija resursy, ci možacie vy nam niečym dapamahčy, voś u nas jość płan «Pieramoha», nam patrebnyja resursy ludskija ŭ Biełarusi, ci jość u vas struktury jakija? Jany skazali: nie, niama. Nu, jak niama struktur, ludziej, to navošta jany nam patrebnyja? I my admovilisia. U nas było šmat sustreč. Im patrebny byŭ taki siłavik, jaki b padniaŭ Chartyju-97 z kalen. Ja viedaju, šmat kamu jany prapanoŭvali, usie admovilisia ŭ svoj čas».
«Heta prosta tryźnieńnie padpałkoŭnika HUBAZiKa. Nijakich adnosin, damoŭlenaściej z «Bajpoł» nie było», — koratka adkazała Natalla Radzina.
Kamientary