Archieołahi daznalisia, što jeli staražytnyja rymlanie na trybunach Kalizieja
Archieołahi, jakija vyvučajuć kanalizacyjnuju sistemu Kalizieja ŭ Rymie, znajšli ŭ joj reštki ježy, jakuju ŭžyvali hledačy padčas hładyjatarskich bajoŭ i inšych vidoviščaŭ u staražytnym amfiteatry, pabudavanym dźvie tysiačy hadoŭ tamu, piša Bi-bi-si.
Fota: AP
Daśledavańnie, jakoje praciahvałasia ŭvieś hety hod, dapamahło śpiecyjalistam nie tolki vyvučyć składanyja hidratechničnyja zbudavańni pad Kaliziejem, ale i lepš zrazumieć zvyčki žycharoŭ Staražytnaha Ryma i ich paŭsiadzionnaje žyćcio.
U pryvatnaści, archieołahi vyjavili ŭ kanalizacyjnaj i drenažnaj sistemach nasieńnie inžyra, vinahradu, višni, ažyny i dyni, a taksama ślady alivak, hreckich arechaŭ i inšaj ježy, jakuju hatavali prosta na trybunach u impravizavanych manhałach.
Akramia taho, tam znajšli pareštki žyvioł, jakich vykarystoŭvali ŭ bajach i roznych hulniach na arenie: kostki miadźviedziaŭ, lvoŭ i jahuaraŭ, a taksama sabak, siarod jakich byli navat taksy.
Siarod inšych znachodak — bolš za 50 bronzavych maniet poźnierymskaha pieryjadu, a taksama siarebranaja manieta prykładna 170-171 hh. našaj ery, adčakanienaja ŭ honar dziesiacihodździa praŭleńnia impieratara Marka Aŭrelija.
U chodzie daśledavańnia archieołahi rasčyścili kala 70 mietraŭ drenažnych ściokaŭ i kanalizacyjnych kanałaŭ pad Kaliziejem, jaki zastajecca adnoj z samych naviedvalnych słavutaściaŭ Italii.
L'indagine ha interessato il collettore Sud, ostruito e fuori uso più o meno dal 523 d.C., quando il Colosseo ha smesso di essere anfiteatro per poi essere una sorta di condominio, fortezza, ospedale e persino filanda
Martina Almonte, RUP del progetto #idraulicadelColosseo pic.twitter.com/6WOifNmzzs
«Takija znachodki dajuć nam ujaŭleńnie pra vopyt i zvyčki tych, chto prychodziŭ siudy padčas praciahłych imprezaŭ», — skazała dyrektar archieałahičnaha parku Kalizieja Alfansina Ruso.
Raboty vialisia ŭ rajonie paŭdniovaha kalektara amfiteatra, jaki byŭ zabity i nie vykarystoŭvaŭsia faktyčna z 523 hoda našaj ery, kali Kaliziej pryjšoŭ u zaniapad i pierastaŭ być arenaj (u rozny čas jaho vykarystoŭvali ŭ jakaści krepaści, balnicy i navat pradzilnaj fabryki).
A selection of fruit seeds, stones, & pits recovered from the drainage system of the Colosseum in #Rome, remains of the snacks eaten by #Roman spectators watching the games in the arena up to 1900 years ago #RomanArchaeology pic.twitter.com/qrSSRQUIYB
Pakolki staražytnaja sistema kanalizacyi była faktyčna zapiačatana śmiećciem i ziamloj, a vada tudy nie pastupała, mnohija pachavanyja tam rečy zastalisia niekranutymi albo vielmi dobra zachavalisia. Kab ich dastać, archieołahi vykarystoŭvali drony z dystancyjnym kiravańniem.
«Kali ŭzbroimsia fantazijaj, — kažuć archieołahi, — my možam ujavić, jak zichotkija maniety kidajuć u natoŭp, i adna ź ich padaje na piasok areny, a zatym vynosicca razam z kryvioju ludziej i žyvioł u kanalizacyju, kab praz bolš jak 1500 hadoŭ raskazać nam pra začaravańnie i varjactva tych hulniaŭ i tych dzion».
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»26
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna29
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary
bočkami