Dyzajnierskaje nou-chau. Na kambajnie «Homsielmaša» namalavali vyjavu top-mieniedžara ŭ abliččy staradaŭniaha vołata
Niezvyčajnaje dyzajnierskaje rašeńnie raspracavali ŭ daččynaj kampanii AAT «Homsielmaš», raźmieščanaj u Bransku. Dyzajniery na homsielmašaŭskim kambajnie namalavali vyjavu realnaha čałavieka ŭ vobrazie vołata. Vydańnie «Fłahštok» vyśvietliła, chto heta taki.
AT «Bransksielmaš» robić zborku homielskich kambajnaŭ dla rasijskaha rynku.
Novaje ich afarmleńnie ŭpieršyniu było pradstaŭlena na vystavie ahratechniki «Ahrasałon—2022», jakaja prachodziła ŭ pačatku kastryčnika ŭ Maskvie. Na korpusie madelaŭ GS12 i FS80 byli namalavanyja siaredniaviečnyja vołaty Pieraśviet i Dabrynia z sučasnym ściaham Rasijskaj Fiederacyi.
A paśla hetaha dyzajniery zavoda vyrašyli raźvić temu ŭ niečakanym kirunku. Na vystavie «PoŭdzieńAhra—2022», jakaja adbyłasia ŭ listapadzie 2022 hoda ŭ Krasnadary, na madeli kambajna GS12 byŭ namalavany vołat Jeramiej, u vobrazie jakoha lohka adhadvajucca rysy tvaru dyrektara TAA HD «Paleśsie-Poŭdzień» Dźmitryja Jaromienki.
Hetaja kampanija — aficyjny dyler «Homsielmaša» ŭ Paŭdniovaj i Paŭnočna-Kaŭkazskaj akruhach RF.
«Fłahštok» pasprabavaŭ znajści anałahičnyja prykłady z dyzajnierskaj praktyki, ale biespaśpiachova.
Malunak nie viadomaha šyrokaj publicy top-mieniedžara na korpusie kambajna, padobna, źjaŭlajecca absalutnaj navinkaj dla mašynabudavańnia. Ci daść heta niejki plon dla pavieličeńnia ŭzroŭniu prodažu kambajnaŭ, pakaža čas.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary