Nacyjanalnaja rada pa elektronnych ŚMI Łatvii pryniała rašeńnie anulavać licenziju na viaščańnie telekanała «Dožd́».
«Aceńvajučy sukupnaść parušeńniaŭ, Rada pierakananaja, što kiraŭnictva «Doždia» nie razumieje i nie ŭśviedamlaje značnaści i surjoznaści parušeńniaŭ, tamu nie moža dziejničać na terytoryi Łatvii», — skazaŭ kiraŭnik savieta Ivars Abalińš.
Na minułym tydni rasijski apazicyjny telekanał, jaki paśla vajny pierajechaŭ u Łatviju, trapiŭ u skandał: u žyvym efiry viadoŭca Alaksiej Karaścialoŭ zaniepakoiŭsia, ci kamfortna rasijskim vajskoŭcam vajavać va Ukrainie. Kiraŭnictva kanała zajaviła, što žurnalista niapravilna zrazumieli, i ŭ dalejšym Karaścialoŭ byŭ zvolnieny.
Raniej u efiry kanała źjaŭlałasia karta, dzie Krym byŭ paznačany jak častka Rasii. Heta taksama było parušeńniem zakanadaŭstva Łatvii.
Ciapier čytajuć
Zahinuŭ biełaruski dobraachvotnik Alaksiej Łazaraŭ10
Kamientary