Pradstaŭnik «Miemaryjała» ŭ nobieleŭskaj pramovie nazvaŭ vajnu suprać Ukrainy «varjackaj, złačynnaj i zachopnickaj»
Pra rasijskuju impierskaść i biespakaranaść havaryŭ u svajoj nobieleŭskaj lekcyi Jan Račynski, pradstaŭnik rasijskaj pravaabarončaj arhanizacyi «Miemaryjał». Siońnia ŭ Osła ŭručyli Nobieleŭskuju premiju miru.
«Adno ź vidavočnych nastupstvaŭ sakralizacyi dziaržavy — adradžeńnie impierskich ambicyj… Inšy vynik — biespakaranaść nie tolki tych, chto prymaje złačynnyja palityčnyja rašeńni, ale i tych, chto ździajśniaje złačynstvy pry ich vykanańni. Biespakaranymi i navat nie rasśledavanymi zastajucca biassudnyja pakarańni, zabojstvy mirnych žycharoŭ, katavańni i maradziorstva. My bačyli heta ŭ vajennych dziejańniach u Čačenii, my bačym heta i siońnia na zachoplenaj terytoryi Ukrainy. Paśla bambiožak Hroznaha źniščeńnie Maryupala nie stała čymści pryncypova novym», — adznačyŭ Račynski.
«Baraćba … z banderaŭščynaj stała abhruntavańniem varjackaj, złačynnaj i zachopnickaj vajny suprać Ukrainy. Adnoj ź pieršych achviar hetaha varjactva stała histaryčnaja pamiać u samoj Rasii», — skazaŭ pradstaŭnik «Miemaryjała».
Ën zajaviŭ, što pucinski režym «skarežyŭ» histaryčnuju pamiać rasijan, pamianiaŭ miescami paniaćci «fašyzm» i «antyfašyzm». Ciapier rasijskija mas-miedyja nazyvajuć antyfašyzmam uvarvańnie ŭ susiedniuju krainu, jakaja nie davała dla hetaha nijakich padstaŭ, anieksiju zachoplenych terytoryj, teror suprać mirnych žycharoŭ zachoplenych terytoryj», — skazaŭ pradstaŭnik «Miemaryjała».
Čytajcie taksama:
«Dabro i praŭda pavinny ŭmieć abaraniać siabie». Nobieleŭskaja pramova Alesia Bialackaha POŬNY TEKST
Ukrainskaja łaŭreatka Nobiela: My majem stvaryć mižnarodny trybunał i pryciahnuć Pucina, Łukašenku dy inšych vajennych złačyncaŭ da adkaznasc
Ciapier čytajuć
Minčanka Anhielina, jakaja vyprasiła ŭ Łukašenki kvateru za trajniat, upieršyniu pakazała toj padarunak18
Minčanka Anhielina, jakaja vyprasiła ŭ Łukašenki kvateru za trajniat, upieršyniu pakazała toj padarunak
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku6060
Kamientary