Navošta miedykaŭ vyklikajuć u vajenkamaty, kamu prychodziać pozvy, čym pahražaje miedycynskim rabotnikam atrymańnie tak zvanaha «mabilizacyjnaha pradpisańnia», raźbirałasia DW.
Paśla abjaŭleńnia mabilizacyi ŭ Rasii Minabarony Biełarusi zakłapaciłasia «pravierkaj źviestak» ab vajennaabaviazanych. 5 śniežnia ŭ telehram-kanale «Biełyja chałaty» źjaviłasia paviedamleńnie ab tym, što pozvy na zbory aktyŭna ŭručajuć miedykam.
«Pad pryzyŭ traplajuć navat žančyny, jak daktary, tak i miedsiostry. Terminy zboraŭ — ad 10 dzion. Vajenkamat udakładniaje pamier adzieńnia i abutku miedrabotnikaŭ. Viadomyja vypadki, kali miedykaŭ cełymi adździaleńniami prypisvali da vajskovaj čaści», — havorycca ŭ paviedamleńni.
Toje, što pravierka źviestak miedycynskich rabotnikaŭ u Biełarusi sapraŭdy pravodzicca, DW na ŭmovach ananimnaści paćvierdziła niekalki čałaviek.
«Majho baćku doktara (49 hadoŭ) vyklikali ŭ vajenkamat dla pierapisu. Pytalisia pra miesca pracy, novych adrasach, telefonach, svajakach, stanie zdaroŭja», — raspavioŭ adzin surazmoŭca.
Pa słovach inšaha, ź jaho «bližejšych kaleh pozva pryjšła tolki adnamu ardynataru». «Mianie pakul nie čapali», — skazaŭ jon.
Treci paviedamiŭ DW, što sa žniŭnia nie znachodzicca ŭ Biełarusi, ale jaho «žoncy telefanavali ŭdakładnić danyja, jak i šmat kamu ź jaje adździaleńnia».
«My dakładna nie viedajem, kolki daktaroŭ atrymała pozvy, ale jany prychodziać va ŭsich haradach i vioskach, pačynajučy ad bujnych staličnych paliklinik, zakančvajučy samymi maleńkimi rajonnymi balnicami.
Ludziej vyklikajuć na zbory i vydajuć im tak zvanyja «mabilizacyjnyja pradpisańni», h.zn. miedyki atrymlivajuć ukazańni, kudy im treba źjavicca ŭ vypadku abjaŭleńnia mabilizacyi. Atrymańnie pradpisańnia nakładvaje peŭnyja abaviazacielstvy, hetyja ludzi pry mabilizacyi nie zmohuć vyjechać z krainy. Nie chočacca być alarmistam i kazać, što heta abaviazkova adbudziecca, ale ź niejkaj pryčyny heta robicca. Taksama zaraz na bazie Biełaruskaj miedycynskaj akademii paśladypłomnaj adukacyi prachodziać kursy pa vajenna-palavoj chirurhii», — raspaviała DW kaardynatar Fondu miedycynskaj salidarnaści Lidzija Tarasienka.
Pavodle infarmacyi Tarasienka, kamuści pozva prychodzić na pracu, kamuści ŭ paštovuju skryniu kidajuć, da kahości prychodziać [supracoŭniki vajenkamata] pa miescy rehistracyi, niekatorym prosta sms adpraŭlali, maŭlaŭ, «pryjdzicie».
«Ułady šukajuć ludziej, jakija šmat hadoŭ tamu źjechali ź Biełarusi. Prychodziać pa miescy staroj rehistracyi, cikaviacca ŭ svajakoŭ», — raspaviadaje jana.
U vajenkamatach toje, što adbyvajecca, tłumačać tym, što heta «standartnaja pracedura».
«Miž tym mnohija ludzi, jakija prapracavali ŭ miedycynie pa 20 hadoŭ, zabylisia, dzie lažyć ich vajenny bilet, a tut raptam «standartnaja pracedura, davajcie źvierym pamiery vašaha abutku i procivahaza», — havoryć jana.
Tarasienka miarkuje, što adzinaje tłumačeńnie, jakoje vyhladaje łahičnym — heta mahčymaja mabilizacyja, «kab nie zdaryłasia jak u Rasii, kali paviestki prychodzili navat tym, chto ŭžo pamior».
Jana miarkuje, što miedykam nie varta prychodzić na takoha kštałtu «pravierki».
Na pytańnie, ci nie spravakujuć pravierki voinskaha ŭliku, uručeńnie mabilizacyjnych pradpisańniaŭ chvalu emihracyi miedycynskich rabotnikaŭ ź Biełarusi, Tarasienka adkazvaje, što naŭrad ci.
«Mnie zdajecca, što istotnuju chvalu emihracyi miedykaŭ ź Biełarusi nie spravakuje ŭžo ništo, navat vajna. Bo i da hetaha zdaryłasia dastatkova šmat žudasnych rečaŭ, kab zadumacca ab adjeździe ź Biełarusi», — havoryć jana.
Na 8 śniežnia 2022 hoda, pavodle źviestak ahulnarespublikanskaha banka vakansij, u Biełarusi nie chapała 4 625 daktaroŭ-śpiecyjalistaŭ i 3 421 miedsiaścior.
-
Kiraŭnik studyi ZROBIM architects viarnuŭsia ŭ sacsietki paśla zatrymańnia
-
Haładoŭki, pierakulenyja milicejskija mašyny, kroŭ, Jelcyn vyzvalaje palitviaźniaŭ — zhadvajem padziei Čarnobylskaha šlachu-1996
-
Pradpryjemstva pa abychodžańni z radyjeaktyŭnymi adkidami schavała strukturu i štat paśla prychodu dyrektara z KDB
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary