«Minsktrans» admianiŭ rejsy na Novy hod u Ryhu, Vilniu, Koŭna i Varšavu
Na Novy hod, 31 śniežnia i 1 studzienia, pradpryjemstva «Minsktrans» admianiaje rejsy ŭ Polšču, Litvu i Łatviju, piša Office Life. Jak raskazali karespandentu vydańnia na haračaj linii pradpryjemstva, pasažyram, jakija ŭžo kupili kvitki, treba zdać ich pa miescy nabyćcia.
U subotu, 31 śniežnia, admienienyja rejsy pamiž Minskam i Ryhaj, Minskam i Koŭna, a taksama Minskam i Varšavaj. U niadzielu, 1 studzienia, nie budzie aŭtobusaŭ Minsk — Ryha, Minsk — Vilnia i Minsk — Varšava.
Jak rastłumačyli pradstaŭniki «Minsktransa», u Novy hod zvyčajna rejsaŭ i nie było. Kvitkoŭ na hety čas pradajuć niašmat, tamu aŭtobusy admianiajuć, kab kiroŭcam nie daviałosia navahodniuju noč pravodzić u darozie ci načavać za miažoj.
Kamientary