Padramać paśla abiedu — pryjemnaja zvyčka. Son adnaŭlaje nie tolki cieła, ale i rozum, tamu jon i źjaŭlajecca takoj važnaj častkaj žyćcia kožnaha čałavieka. Ale nakolki karysnaja dla našaha cieła takaja sijesta?
Dzionny son ratuje šmat kaho ad stomlenaści i stresu paśla niekalkich hadzin pracy. Štodzionny paśpiech taksama časta vyklikaje biassonnyja nočy, jakija my pry mahčymaści kampiensujem snom udzień, tłumačyć onet.pl.
Tym nie mienš, spać paśla ježy moža być nie najlepšym rašeńniem. Mała chto dumaje, jakija pracesy ŭ takim vypadku adbyvajucca ŭ arhaniźmie čałavieka. U pieršuju čarhu varta źviarnuć uvahu na praces stravavańnia, jaki pry takim adpačynku zapavolvajecca.
Kali čałaviek lažyć, heta pieraškadžaje stravavalnamu pracesu i zapavolvaje ruch źmieściva straŭnika pa dalejšych častkach stravavalnaj sistemy.
Hetaja zatrymka vyklikaje pavieličeńnie sakrecyi straŭnikavaha soku, što pryvodzić da refluksu i piakotki. Akramia taho, bahata ludziej, kamu ŭłaścivaja zvyčka padramać paśla abieda, skardziacca na zapory, uzdućcie žyvata i hazy.
Kali troški padramać paśla ježy, heta nie abaviazkova naškodzić vam, ale važna vykonvać niekalki važnych praviłaŭ.
Pa-pieršaje, źviartajcie ŭvahu na čas snu. Nie varta kłaścisia spać adrazu paśla taho, jak vy mocna pajeli, bo son zapavolvaje abmien rečyvaŭ. Stravavalnaja sistema pavinna spačatku pieratravić ježu i vykarystać pry hetym nakoplenyja zapasy enierhii. Tamu pierad zapłanavanym snom varta padjeści, ale kryšku, i potym pačakać da snu chacia b paŭhadzinki.
Pa-druhoje, važna i toje, kolki vy źbirajeciesia spać udzień. Ekśpierty rajać abmiežavać siabie 20 chvilinami snu. U takim vypadku vy nie dojdziecie da fazy hłybokaha snu, ale zdolejecie chutka adnavicca i nabracca enierhii na reštu dnia. Ale pamiatajcie, što pradramać mienš za 10 chvilin ničoha nie daje.
Kab son byŭ maksimalna jakasnym, vybirajcie dla jaho pravilnaje miesca. Upeŭniciesia, što ŭ pakoi dla snu ciomna — naprykład, apuścicie žaluzi abo zachinicie štory. Taksama źviarnicie ŭvahu na paścielu i matrac: ćviordaja pavierchnia dobra ŭpłyvaje na chrybiet, a dobryja paduški i koŭdry palapšajuć jakaść snu.
Son udzień, adnak, maje i niekatoryja minusy. Daśledavańni śviedčać pra toje, što hetaja zvyčka moža parušać sutačnyja rytmy: tyja, chto śpić udzień, časam skardziacca na prablemy sa snom, u tym liku na biassońnicu i načnyja abudžeńni. Taksama miedyki źviartajuć uvahu, što son paśla abiedu pavyšaje ryzyku raźvićcia cukrovaha dyjabietu II typu.
Čytajcie taksama:
«Ciapier ja razumieju, jakim byŭ durniem». «Terapija nie adrazu daje efiekt». Čatyry realnyja biełaruskija historyi pra depresiju
Chočacie palepšyć son? Starajciesia pazbavicca hetaj zvyčki
Na śpinie, žyvacie ci na baku? Navukoŭcy nazvali najlepšyja pozy dla snu
Ciapier čytajuć
Vyjšaŭ na svabodu biełarus, jakoha ŭ svoj čas prysudzili da pažyćciovaha źniavoleńnia. Heta pieršy viadomy taki vypadak9
Kamientary