Arastovič pra rejkavych partyzan: Ja asabista pastarajusia pryjechać u Biełaruś i pacisnuć kožnamu ź ich ruku
Na hetym tydni vynieśli žorstkija prysudy śvietłahorskim «rejkavym partyzanam» — ad 21 da 23 hod kałonii. Daradca Ofisa prezidenta Ukrainy Alaksiej Arastovič na efiry ŭ Fiejhina prakamientavaŭ učynak asudžanych chłopcaŭ.
«Jak čałaviek, na jakoha kryminalnuju spravu ŭ Biełarusi zaviali, ja pieradaju haračaje pryvitańnie hetym ludziam. I kali ŭsio heta skončycca, a skončycca jano našmat chutčej, čym padajecca tym, chto ich pasadziŭ, i kali my budziem sadžać tych, chto ich pasadziŭ,
ja asabista pastarajusia pryjechać u Biełaruś i pacisnuć kožnamu z hetych ludziej ruku, tamu što minimum na tydzień jany stvaryli prablemu dla pierakidki rasijskich vajskovych hruzaŭ padčas piacitydniovaj sproby rasijskich vojskaŭ uziać Kijeŭ i akružyć.
Ciapier vielmi ciažka skazać, jaki ŭkład byŭ — jon moh być vielmi značnym. Zaŭvažcie, heta było ŭ sakaviku — u čas, kali nichto nie viedaŭ, pieramožam my ci nie. I ŭsia vata vieryła ŭ toje, što my prajhrajem. Heta daroha ŭ adzin kaniec, kali ludzi išli na takoje», — vykazaŭsia Arastovič.
Chłopcaŭ abvinavacili ŭ padpale relejnaj šafy sihnalizacyi, centralizacyi i błakavańnia (SCB) na čyhunačnaj stancyi Žerdź — Astankavičy 28 lutaha — na čaćviorty dzień poŭnamaštabnaj vajny va Ukrainie. Taksama ich asudzili za «zdradu dziaržavie» i rehistracyju ŭ płanie «Pieramoha» dy suviaź z BYPOL.
Dźmitryju Raviču dali 22 hady kałonii va ŭmovach uzmocnienaha režymu, Dzianisu Dzikunu — 23 hady, Alehu Małčanavu — 21 hod.
U lutym i sakaviku ŭ Biełarusi byli ździejśnieny nie mienš za dvanaccać akcyj sabatažu na čyhuncy i dźvie vialikija kibierataki.
Śvietłahorskim «rejkavym partyzanam» za dyviersiju na čaćviorty dzień vajny dali ad 21 da 23 hadoŭ kałonii
Ludzi hoda pa viersii «Našaj Nivy» — hieroi, jakija chacieli spynić vajnu. Što pra ich viadoma?
-
U Čarnaŭcach padčas uskryćcia cieła vajskoŭca, pieradadzienaha ŭ ramkach abmienu z RF, vyjavili hranatu
-
Źjavilisia spadarožnikavyja zdymki z nastupstvami ŭdaru rakiet pa branskim zavodzie mikraelektroniki — jon razburany
-
Rasijskija vajenkary zajaŭlajuć, što straty dasiahnuli nieprymalnaha ŭzroŭniu. «Čakaje nas remiejk vosieni 2022 hoda»
Kamientary