Pabačyŭ śviet detalny płan histaryčnaha centra Hrodna z prajektam rehienieracyi histaryčnaj zabudovy. Pieršym u čarzie na adnaŭleńnie staić tak zvany jaŭrejski kvartał, paviedamlaje Newgrodno.by.
Novy dakumient praduhledžvaje dva napramki: rekanstrukcyju pomnikaŭ architektury i adnaŭleńnie stračanaj zabudovy. U jakaści stanoŭčaha prykładu pryvodzicca niadaŭniaje adnaŭleńnie stračanaha kompleksu budynkaŭ tak zvanaha Doma rybaka.
Pavodle takoha ž pryncypu buduć dziejničać i z «jaŭrejskim kvartałam». Pieršy krok u hetym kirunku zrobleny — z aŭkcyjona realizavanyja dva ziamielnyja ŭčastki. Na miescy budučaha budaŭnictva ciapier viaducca navukova-daśledčyja i prajektnyja raboty.
Čakajuć rekanstrukcyi taksama takija pomniki architektury, jak kompleks byłoha piŭzavoda pa vulicy Zavodskaj, 2 i budynak pałaca Čaćviarcinskich (byłaja kamiendatura pa vulicy Ažeška, 20). Užo, jak śćviardžajecca, iduć ramontna-adnaŭlenčyja i budaŭniča-mantažnyja raboty.
Kamientary