Advakatka Maryny Zołatavaj nie prajšła atestacyju. A sud idzie
Aksana Biełaja, advakatka palitźniavolenaj hałoŭnaj redaktarki Tut.by Maryny Zołatavaj, nie prajšła atestacyju.
Admietna, što heta było zroblena padčas sudovaha pracesu, źviartaje ŭvahu ŭ svaim fejbuku suzasnavalnik Tut.by Kiryła Vałošyn.
Sud na Marynaj Zołatavaj i hiendyrektaram Tut.by Ludmiłaj Čekinaj pačaŭsia 9 studzienia i prachodzić u zakrytym režymie.
Ludmiłu Čekinu abvinavačvajuć pa nastupnych artykułach:
— č. 2 art. 243 (uchileńnie ad vypłaty padatkaŭ, zboraŭ u asabliva bujnym pamiery) — da siami hadoŭ pazbaŭleńnia voli;
— č. 4 art. 16, č. 3 art. 130 (arhanizacyja naŭmysnych dziejańniaŭ, nakiravanych na raspalvańnie rasavaj, nacyjanalnaj, relihijnaj albo inšaj sacyjalnaj varožaści abo varožaści pa prykmiecie rasavaj, nacyjanalnaj, relihijnaj, moŭnaj ci inšaj sacyjalnaj prynaležnaści, učynienych hrupaj asob abo vyklikaŭšych ciažkija nastupstvy) — da 12 hadoŭ pazbaŭleńnia voli;
— č. 4 art. 16, č. 3 art. 361 (kiraŭnictva zaklikami da dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś, učynienyja z vykarystańniem srodkaŭ masavaj infarmacyi abo hłabalnaj kampjutarnaj sietki internet) — da piaci hadoŭ pazbaŭleńnia voli.
Marynu Zołatavu taksama abvinavačvajuć pa troch artykułach:
— č. 2 art. 243 (uchileńnie ad vypłaty padatkaŭ, zboraŭ u asabliva bujnym pamiery) — da siami hadoŭ pazbaŭleńnia voli;
— č. 3 art. 130 (raspalvańnie rasavaj, nacyjanalnaj, relihijnaj albo inšaj sacyjalnaj varožaści abo varožaści pa prykmiecie rasavaj, nacyjanalnaj, relihijnaj, moŭnaj ci inšaj sacyjalnaj prynaležnaści, učynienych hrupaj asob abo vyklikaŭšych ciažkija nastupstvy) — da 12 hadoŭ pazbaŭleńnia voli;
— č. 3 art. 361 (zakliki da dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś, učynienyja z vykarystańniem srodkaŭ masavaj infarmacyi abo hłabalnaj kampjutarnaj sietki internet) — da piaci hadoŭ pazbaŭleńnia voli.
Ciapier čytajuć
Taksistka z Tadžykistana naśmierć źbiła biełarusku ŭ Polščy — i spakojna pakinuła krainu24
Kamientary