IKEA vykarystoŭvaje bolš draŭniny sa Šviecyi i krain Bałtyi, kab kampiensavać adsutnaść pastavak z Rasii i Biełarusi, jakich kampanija paźbiahaje z-za vajny Maskvy va Ukrainie.
Pa słovach mieniedžara pa hłabalnych pastaŭkach draŭniny i lasnoj haspadarcy Inter IKEA Group Ulfa Jochansana, u IKEA atrymałasia zamiaścić pastaŭki biełaruskaj i rasijskaj draŭniny zakupkami ŭ inšych krainach, jak jon vykazaŭsia, «na vielmi haračym rynku».
— Polšča, Litva i Šviecyja byli tryma najbujniejšymi pastaŭščykami draŭniny dla kampanii za apošnija 12 miesiacaŭ da žniŭnia 2022 hoda, — ukazaŭ Jochansan.
Akramia taho, u IKEA płanujuć pierahledzieć stratehiju doŭhaterminovych pastavak draŭniny, kab znajści alternatyvy Biełarusi i Rasii. Taksama heta ažyćciaŭlacca adpaviedna płanam kancerna pa pašyreńni ŭ krainach Paŭdniovaj Amieryki, dzie ŭ 2022-m adkryŭsia pieršy mahazin IKEA.
Raniej Biełaruś i Rasija byli ŭ dziasiatcy najbujniejšych pastaŭščykoŭ draŭniny IKEA, zajmajučy 5% i 6% abjomu adpaviedna.
Ciapier čytajuć
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki28
Kamientary
t.ie. drieviesina iz rośsii i biełarusi, no čieriez 3 ruki