Orban nazvaŭ Ukrainu «ničyjnaj ziamloj» i paraŭnaŭ jaje z Afhanistanam
Premjer-ministr Vienhryi Viktar Orban zrabiŭ čarhovuju skandalnuju zajavu, zajaviŭšy padčas razmovy z žurnalistami, što Ukraina — heta «ničyjnaja ziamla», i paraŭnaŭšy jaje z Afhanistanam. Ukrainski MZS aburany i vyklikaŭ vienhierskaha pasła.
«Čarhovaje hreblivaje vykazvańnie Viktara Orbana na adras Ukrainy. Takija zajavy źjaŭlajucca kateharyčna nieprymalnymi. Budapiešt praciahvaje kurs na śviadomaje razbureńnie vienhierska-ŭkrainskich adnosin, istotna padryvajučy mahčymaść viadzieńnia dalejšaha dyjałohu pamiž dźviuma susiednimi krainami. U MZS Ukrainy budzie vyklikany ambasadar Vienhryi dla ščyraj razmovy. Pakidajem za saboj prava pryniaćcia i inšych mier reahavańnia», — havorycca ŭ kamientaryi pradstaŭnika źniešniepalityčnaha viedamstva Ukrainy Aleha Nikalenki.
Na hetym tydni Orban zajaviŭ u razmovie ź nievialikaj hrupaj žurnalistaŭ, nibyta «na Zachadzie nie razumiejuć, što va Ukrainie čas na baku Rasii».
«Rasija — vielizarnaja kraina, i jana moža mabilizavać vialikuju armiju. Va Ukrainie ŭžo zakančvajucca vojski», — skazaŭ vienhierski premjer, nie paćvierdziŭšy svaje słovy jakimi-niebudź dokazami. Orban taksama skazaŭ, što źjaŭlajecca «lidaram krainy, jakaja staić na pravilnym baku historyi».
Premjer-ministr Vienhryi Viktar Orban doŭhi čas krytykuje pazicyju Jeŭrapiejskaha sajuza ŭ dačynieńni da Maskvy, zajaŭlajučy, što ŭviedzienyja suprać jaje sankcyi nanieśli škodu błoku, ale nie asłabili Rasiju i nie dapamahli Ukrainie. Mnohija analityki ličać, što hetym jon pavyšaje ŭłasnyja staŭki i dabivajecca istotnych sastupak ad Jeŭrasajuza za źmiakčeńnie svajoj pazicyi. Pakolki Vienhryja — udzielnica Jeŭrasajuza, a rašeńni tam musiać prymacca adnahałosna, to Orban maje mahčymaść takim čynam mieć u rukach miechanizm upłyvu.
Čytajcie taksama:
Vienhryja sprabuje znoŭ zabłakavać tranš dapamohi Jeŭrasajuza Ukrainie
Orban: Kali ZŠA pierastanuć davać Ukrainie hrošy i zbroju, vajna spynicca
Premjer Vienhryi Orban trapiŭ u skandał z-za futbolnaha šalika
Ciapier čytajuć
Hieafizik acaniŭ pierśpiektyvy zdabyčy redkaziamielnych mietałaŭ pad Maładziečnam, Žytkavičami i Lachavičami3
Kamientary