Prezident ZŠA Džo Bajden zajaviŭ u paniadziełak, što jahonaja kraina nie budzie adpraŭlać va Ukrainu samaloty-źniščalniki F-16, pra pastaŭku jakich napiaredadni paprasiŭ ukrainski ministr abarony. Zamiest hetaha jon paabiacaŭ nieŭzabavie naviedać Polšču.
«Nie», — łakanična adkazaŭ Bajden, kamientujučy ŭ Biełym domie pytańnie žurnalista ab tym, ci padtrymlivaje prezident adpraŭku va Ukrainu źniščalnikaŭ F-16.
U hetym miesiacy zachodnija krainy paśla doŭhich abmierkavańniaŭ pahadzilisia adpravić Ukrainie sučasnyja tanki. Uzmacnieńnie padtrymki abudziła ŭ Kijevie nadzieju na toje, što nieŭzabavie ŭkraincy zmohuć atrymać i samaloty F-16 dla padtrymki svaich VPS, ale hetaje pytańnie pa-raniejšamu aktyŭna abmiarkoŭvajecca na Zachadzie, a da pazityŭnaha rašeńnia pa im musić prajści niejki čas.
Bajden tym časam źbirajecca adpravicca ŭ Jeŭropu, demanstrujučy padtrymku antyrasijskaha aljansu. «Ja źbirajusia pajechać u Polšču. Praŭda, nie viedaju kali», — skazaŭ Bajden žurnalistam, kali jaho spytalisia pra pajezdku.
Polšča ciapier — hałoŭny łahistyčny centr, pastaŭščyk zbroi i klučavy sajuźnik ZŠA va Uschodniaj Jeŭropie.
Paśla pradstaŭnik Biełaha Doma Džon Kirbi dadatkova prakamientavaŭ słovy Bajdena. Jon skazaŭ u intervju telekampanii CNN:
«Ja mahu skazać, što mnohija ŭzbrajeńni ŭžo pastaŭlajucca i buduć adpraŭlenyja ŭ najbližejšyja tydni i miesiacy. Heta tyja vidy ŭzbrajeńniaŭ, jakija, jak my čakajem, buduć mieć vyrašalnaje značeńnie dla akazańnia dapamohi ŭkraincam u bajavych dziejańniach ciapier, u zimovy čas, a taksama viasnoj».
Kirbi taksama skazaŭ, što, na jahonuju dumku, rašeńnie ab adpraŭcy tankaŭ Abrams va Ukrainu, pra jakoje było abvieščana na minułym tydni, nie było zapoźnienym.
«Rašeńnie ab tankach — i jano było pryniataje nie tolki ZŠA, ale i niemcami, a da hetaha brytancami — było sapraŭdy zaklikanaje dapamahčy Ukrainie ŭziać inicyjatyvu ŭ svaje ruki ŭ bajavych dziejańniach, jakija, jak my čakajem, buduć adbyvacca viasnoj», — skazaŭ jon.
Čytajcie taksama:
Makron nie vyklučyŭ, što Ukrainie pieradaduć źniščalniki
Rašeńnie pra pieradaču Ukrainie źniščalnikaŭ F-16 moža być pryniataje ŭ najbližejšy čas
Ukraina paprasiła Zachad terminova dać dźvie eskadrylli źniščalnikaŭ
Ministr abarony Hiermanii pra pastaŭku Ukrainie samalotaŭ: Ja dumaju, što pra heta nie moža być i havorki
Ciapier čytajuć
Papularnuju tyktokierku z Łuninca, jakaja ratavała biazdomnych žyviolinaŭ, asudzili za palityku1
Papularnuju tyktokierku z Łuninca, jakaja ratavała biazdomnych žyviolinaŭ, asudzili za palityku
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3030
Kamientary