Ukraina paprasiła Zachad terminova dać dźvie eskadrylli źniščalnikaŭ
Ukraina chacieła b terminova atrymać 24 źniščalniki ad zachodnich krain u ramkach pieršaj fazy padtrymki samalotami, zajaviŭ pradstaŭnik Vajskova-pavietranych sił (VPS) Ukrainy pałkoŭnik Juryj Ihnat.
U najbližejšy čas Kijeŭ nie prymienić hetyja źniščalniki na poli boju, praciahnuŭ pradstaŭnik VPS, pakolki krainu čakajuć składanyja palityčnyja pieramovy, praciahłyja treniroŭki piłotaŭ i «intensiŭnaje navučańnie» naziemnych ramontnych bryhad. Jon padkreśliŭ: «Nieba pamyłak nie daruje, tamu hetych ludziej treba rychtavać nie mienš staranna, čym piłotaŭ».
«Našy piłoty mohuć navučycca kiravać hetymi samalotami za paru tydniaŭ. Spatrebicca čas, kab navučycca vajavać z hetymi samalotami, kala šaści miesiacaŭ», — rastłumačyŭ Ihnat i padkreśliŭ, što terminy «nadzvyčaj vialikija» i va ŭmovach bajavych dziejańniaŭ ich buduć skaračać.
Idealnym varyjantam dla Ukrainy stanie atrymańnie amierykanskich F-16, padkreśliŭ jon. Pavodle słoŭ Ihnata, hetaja madel abjadnała b pieravahi čatyroch typaŭ samalotaŭ, jakija prymianiajucca ŭkrainskimi vajskoŭcami: bambardziroŭščyk Su-24, dva typy źniščalnikaŭ Su-27, MiH-29 i šturmavik Su-25.
Ukraina ŭžo viadzie pracu ŭ roznych abłaściach krainy pa padrychtoŭcy ŭźlotna-pasadačnych pałos dla stvareńnia aeradromnaj sietki va ŭmovach bajavych dziejańniaŭ. U dalejšym jany mohuć stać aeradromami sumiesnaha bazavańnia, jak pryniata ŭ śviecie, reziumavaŭ Ihnat.
Ciapier čytajuć
Biełaruskaja ajcišnica Ela raspracavała svoj recept syrkoŭ, padobnych da tych, što z pandaj. I paśpiachova pradaje ich u Varšavie1
Biełaruskaja ajcišnica Ela raspracavała svoj recept syrkoŭ, padobnych da tych, što z pandaj. I paśpiachova pradaje ich u Varšavie
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1313
Kamientary