«U Łukašenki bačym razumieńnie taho, jak hetaja vajna raźvivajecca». Padalak patłumačyŭ, čamu Kijeŭ nie idzie na kantakt ź Cichanoŭskaj
Kijeŭ choča bačyć šyrokija antyvajennyja manifiestacyi, raskazaŭ daradca Ofisa prezidenta Michaił Padalak u intervju Delfi.
Pytańnie było zadadziena nastupnym čynam: «Ci jość stratehija va ŭkrainskaj ułady ŭ dačynieńni da Śviatłany Cichanoŭskaj? Čamu nichto z pradstaŭnikoŭ Ukrainy nie sustrakajecca ź Cichanoŭskaj?
«My nie bačym sensu asablivaha raźvivać hetyja adnosiny, tamu što nie bačym vyraznaj antyvajennaj aktyŭnaści z boku apazicyi, adkazaŭ Michaił Padalak. — Što takoje aktyŭnaść? Heta niejkija maštabnyja manifiestacyi, navat nie ŭ samoj Biełarusi, a kala biełaruskich pasolstvaŭ inšych krain.
Pra sustreču ź Cichanoŭskaj, pry ŭsioj pavazie, a jakaja kaštoŭnaść hetaj sustrečy? Zialenski farmuje hłabalny paradak dnia, ale jon nie moža farmavać łakalnyja, rehijanalnyja paradki ŭ kožnaj krainie.
Z nahody biełaruskaj apazicyi, mnie zdajecca, im siońnia treba vyznačycca, chto ŭ ich sapraŭdy moža ŭpłyvać na biełaruskaje hramadstva, i tady ŭžo budziem razhladać mahčymaść sustrečy.
Ź inšaha boku, u Łukašenki bačym razumieńnie taho, jak hetaja vajna raźvivajecca. Dla jaho maksimalna niebiaśpiečna ŭ hetaj vajnie brać jašče bolš aktyŭny ŭdzieł, čym jon biare ciapier».
Muž Siamaški byŭ nie adzinym, chto atrymaŭ pašpart prykryćcia 13 lutaha 2018 hoda39
Kamientary
Tamu Padalaku lepš zatknucca.