Biełaruś inicyjavała chartyju šmatpalarnaści z Rasijaj, Iranam, KNDR i Mjanmaj
Namieśnik ministra zamiežnych spraŭ Biełarusi Ihar Sakreta paviedamiŭ, što Minsk razam ź Iranam, KNDR, Mjanmaj i Rasijaj damovilisia stvaryć hrupu krain dla padrychtoŭki i padpisańnia tak zvanaj Jeŭrazijskaj chartyi raznastajnaści i šmatpalarnaści ŭ XXI stahodździ.
Pavodle słoŭ čynoŭnika:
«My nie imkniomsia prymianiać da ŭsich adziny palityčny ci cyvilizacyjny etałon. Naš asnoŭny pryncyp — inkluziŭnaść. Kali dziaržava ličyć siabie jeŭrazijskaj i žadaje ŭdzielničać u pracesach umacavańnia kalektyŭnaj biaśpieki i roskvitu našaha vialikaha kantynienta, to jaje ŭdzieł u pieramovach ab chartyi ŭsialak vitajecca».
Biełaruś, jak inicyjatar idei, zajaviła pra hatoŭnaść uznačalić pieramoŭny praces. Razam z tym pradstaŭnik MZS pryznaŭ, što na hety momant bolšaść krain Jeŭrapiejskaha sajuza i NATA čamuści nie vykazali cikavaści da ŭdziełu ŭ hetaj inicyjatyvie, choć Jeŭropa hieahrafična i źjaŭlajecca častkaj jeŭrazijskaj prastory.
Ihar Sakreta padkreśliŭ, što dla jeŭrapiejskich dziaržaŭ dźviery zastajucca adčynienymi i ŭ vypadku źmieny ich pazicyi jany zmohuć dałučycca da raspracoŭki dakumienta.
Pry hetym jakija ŭvohule krainy prajavili cikavaść da hetaj chartyi, jon nie ŭdakładniŭ. Ale ŭ toj ža čas pierakanany, što «da vieraśnia jaje skład značna pašyrycca».
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»
Režym Łukašenki časova stanie mienš ahresiŭnym da susiedziaŭ, ale stratehična budzie imknucca da avałodańnia atamnaj zbrojaj
Hałoŭny biełaruski prapahandyst zaklikaŭ źniščyć Mancheten daščentu
Tramp: Ź Biełaruśsiu ŭ nas vydatnyja adnosiny
Ciapier čytajuć
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym5
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary
"ieŭrazijskaj " a my ličym siabie eŭraazijatami ? heta niešta novaje , kolki litvinaŭ-biełarusaŭ bačyć siabie eŭraazijatami , akramia 2j aficyjnaj movy , da nie kananičnaj "rpc"-KGB ŭ nas 0 azii.