«Hajun»: A-50 palacieŭ u Rasiju, mahčyma, na ramont. Heta toj samalot, jaki moh być paškodžany padčas dyviersii
Siońnia ŭ 11:35 samalot A-50 uźlacieŭ z aeradroma ŭ Mačuliščach, paviedamlaje «Biełaruski Hajun». Heta toj samy rasijski samalot, jaki moh atrymać paškodžańni padčas dyviersii ŭ niadzielu. Pavodle «Hajuna», samalot palacieŭ u Rasiju, mahčyma, na ramont.
«Samalot DRŁA A-50U VKS RF (RF-50608) tolki što pierasiek miažu Biełarusi z RF. Pavodle papiaredniaj infarmacyi, bort nakiroŭvajecca na 325-y Avijacyjny ramontny zavod, jaki znachodzicca ŭ Tahanrohu. Mienavita AAT «325 ARZ» źjaŭlajecca pradpryjemstvam, jakoje, u tym liku zajmajecca ramontam ahrehataŭ samalotaŭ A-50», — piša «Hajun».
«Bajpoł» paviedamlaŭ, što biełaruskija partyzany paškodzili samalot u dvuch miescach z dapamohaj dronaŭ: adnym zaradam byŭ paškodžany klučavy elemient — trochkaardynatnaja radyjołakacyjnaja stancyja. Druhoje paškodžańnie — «u rajonie raźmiaščeńnia abciakalnika anteny spadarožnikavaj radyjolinii, u piaredniaj častcy, pablizu nasavoha adsieka».
Učora, praz try dni paśla maŭčańnia, dziaržaŭnyja telekanały pakazali, jak samalot jedzie pa terytoryi aeradroma.
Kamientary