Prapahandysty pakazali «žyvy i zdarovy» rasijski samalot A-50. Ale jość važnyja niuansy
Viečaram 1 sakavika mnohija prapahandysckija resursy režymu Łukašenki pakazali samalot A-50, suprać jakoha 26 lutaha była ździejśnienaja dyviersija. Byŭ prademanstravany nievialiki rolik, na jakim samalot DRŁA A-50 VKS RF vyrulvaje na aeradromie ŭ Mačuliščach. Videa supravadžajecca ździeklivymi kamientarami prapahandystaŭ, što voś, maŭlaŭ, usio akazałasia fejkam. Ale va ŭsim hetym jość važnyja niuansy, na jakija źviartaje ŭvahu «Biełaruski Hajun».
Prapahanda vyrašyła pakazać, što z A-50 «usio ŭ paradku», i śpiecyjalna źniała videa ŭ pryciemkach, dzie nie bačnyja detali, na treci dzień paśla incydentu.
«Biełaruski Hajun» nie asprečvaje, što videa źniata siońnia ŭ rajonie 20:00 pa Minsku, heta, miarkujučy pa ŭmovach nadvorja, vyhladaje praŭdzivym. Ale pry hetym:
1. Videa z bortam źniataje ŭ pryciemkach na čaćviorty dzień paśla incydentu ŭ Mačuliščach. Na kadrach pakazana vyklučna ruleńnie DRŁA, što nie źjaŭlajecca dokazam taho, što ŭ samalota nie paškodžanaja krucielnaja antena radarnaha kompleksu «Čmiel», i navat taho, što samalot moža lotać.
2. Nam staranna pakazvajuć bartavyja numary (choć da hetaha zaŭsiody staranna zamazvali). Vierahodna, kab padkreślić svaju «racyju».
3. Usie rakursy zdymki tolki źnizu i zboku, što nie dazvalaje razhledzieć jaho źvierchu ŭ detalach
(kažučy pra tyja miescy, jakija mahli być paškodžanyja i na jakich raniej rabiŭsia akcent tym, chto mieŭ niejkaje dačynieńnie da dyviersii).
4. Paraŭnoŭvajučy kadry 1 sakavika z kadrami 29 studzienia, vidać, što «talerka» vyhladaje inakš. Papiarednija drapiny nie bačnyja, zatoje vidać vialikaja čornaja plama.
Viadoma, što 26 lutaha, akurat u dzień incydentu, u Mačuliščy prylacieła bryhada ramontnikaŭ z rasijskaha Ivanava. Nie vyklučana, što ŭ hetyja dni moh prachodzić śpiešny pieršasny ramont. A kali tak, to ŭsie čatyry dni samalot chutka padłatvali i padfarboŭvali, kab pakazać, što «ź im usio ŭ paradku».
Siońnia samalot, jak śćviardžaje «Biełaruski Hajun», nikudy nie lotaŭ, a ŭ Mačuliščach z abiedu i da poźniaha viečara prachodziać płanavyja trenirovačnyja paloty avijacyi VPS Biełarusi.
Čytajcie taksama:
«Bajpoł» raskazaŭ, čym padryvali samalot u Mačuliščach i što ŭ im moža być paškodžana
Ciapier čytajuć
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha8
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
Kamientary
Kak oni nie tužatsia kromie śmiecha ničieho nie vyzyvajut.
Biełaruś budiet svobodna ot rašistov i ich kołobarantov!