Za miesiac łukašysty dačakalisia «ažno» 23 zvarotaŭ u «kamisiju pa viartańni». Ale jany ich nie ciešać
Namieśnik hienprakurora Alaksiej Stuk raskazaŭ u efiry prahramy «Po suŝiestvu» na STB, što na hety momant «kamisija pa viartańni» maje 23 zajavy ad biełarusaŭ, jakija pakinuli krainu paśla 2020 hoda, bajučysia pieraśledu. Pry hetym bolšaść pa sutnaści — pustyja.
«Ciapier źviarnulisia ŭ kamisiju 23 čałavieki. Znachodziacca na razhladzie 23 zajavy. Adrazu skažu, što bolšaść zajaŭ nie adpaviadaje tym kryteryjam, jakija prapisanyja va ŭkazie, tym napramkam, źviestkam, jakija paznačanyja, kab jany byli pradstaŭlenyja», — raspavioŭ Stuk.
Možna mierkavać, što ludzi, jakija pisali ŭ kamisiju, nie vykazali žadańnia publična kajacca i płacić režymu hrošy za pryniesienuju «škodu», što źjaŭlajecca ŭmovaj dla taho, kab ich spravu pačali surjozna razhladać. Całkam vierahodna, što i pisalisia hetyja zajavy ŭ kamisiju tolki z metaj jaje trolinhu, jak heta było z samaj pieršaj zajavaj, nakiravanaj redaktarkaj telekanała «Biełsat» Volhaj Jarochinaj.
Zrešty, pa-inšamu naŭrad ci mahło i być, miarkujučy pa tym, što i skład kamisii, i ŭmovy «daravańnia», i praciah represij, i sama rytoryka pradstaŭnikoŭ režymu zusim nie matyvujuć da taho, kab surjozna stavicca da vykazanych prapanoŭ. Navat u hetym vystupleńni namieśnik hienprakurora Stuk pahražaŭ:
«Navat toj viektar, jaki namiečany ŭkazam pa viartańni z-za miažy, — taksama nie idzie havorka, što dla ŭsich hramadzian, jakija znachodziacca tam, jakija źviernucca, nastupić dla ich era ŭsieahulnaj miłasernaści».
To-bok navat vykanańnie ŭsich prynižalnych umoŭ ničoha nikomu nie harantuje i čałaviek, navat pajšoŭšy na ŭsio heta, moža ŭrešcie patrapić u pastku. A ad tych, chto źviartajecca ŭ kamisiju, patrabujuć rastłumačyć, čamu jany aścierahajucca viarnucca (faktyčna danieści samim na siabie), raskajacca i prynieści publičnyja prabačeńni (publična prynizicca) i pakryć pryčynienuju škodu (padtrymać svaich mučycielaŭ materyjalna). Naturalna, što heta słaba matyvuje.
Ciapier čytajuć
Ministr unutranych spraŭ Litvy aburany pieravozčykami: Paśla pajezdki ŭ Biełaruś jany viartajucca z pramytymi mazhami15
Ministr unutranych spraŭ Litvy aburany pieravozčykami: Paśla pajezdki ŭ Biełaruś jany viartajucca z pramytymi mazhami
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1616
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju16
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2222
Kamientary
idzi ŭ (!)
sapraŭdy nie adpaviadaje kryteram