Rada biaśpieki daručyła Minabarony pačać raspracoŭku novaj vajskovaj daktryny
Na Nacyjanalnym pravavym partale źjaviłasia pastanova «Ab razhladzie prajekta novaj Kancepcyi nacyjanalnaj biaśpieki Respubliki Biełaruś». Padstavami dla źmien u vajskovaj palitycy nazvany «źmieny vajskova-stratehičnaj abstanoŭki» i «eskałacyja hłabalnaj hieapalityčnaj napružanaści».
U ramkach dakumienta, padpisanaha Łukašenkam, uchvalajecca prajekt novaj Kancepcyi nacyjanalnaj biaśpieki Respubliki Biełaruś, «jakaja adlustroŭvaje transfarmacyju ŭsiaho śpiektra sučasnych pahroz i vyznačaje adzinyja padychody da farmiravańnia i realizacyi dziaržaŭnaj palityki ŭ vajskovaj śfiery».
Dziaržaŭnyja orhany pavinny zasiarodzicca na realizacyi mierapryjemstvaŭ u ramkach stratehičnaha strymlivańnia, nakiravanych na abaronu niezaležnaści, terytaryjalnaj cełasnaści, suvierenitetu i kanstytucyjnaha ładu ad źniešnich i ŭnutranych pahroz.
Minabarony daručana zaniacca stvareńniem novaj vajskovaj daktryny. Papiaredniaja dziejničaje ź lipienia 2016 hoda.
Kančatkova novuju Kancepcyju nacyjanalnaj biaśpieki pavinien budzie razhladzieć Usienarodny schod.
Siłaviki raskazali, za što praviali chapun na tenisnym matčy7
Siłaviki raskazali, za što praviali chapun na tenisnym matčy
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1212
Kamientary