Ukrainski sud pačaŭ razhladać spravu jašče adnaho pałonnaha biełarusa, jaki vajavaŭ na baku Rasii
Va Ukrainie 7 sakavika pačaŭsia sudovy praces, na jakim razhladajuć spravu hramadzianina Biełarusi Andreja Hieryłoviča, paviedamlaje «Radyjo Svaboda».
Andreja Hieryłoviča abvinavačvajuć pavodle častki 4 artykuła 447 (udzieł najmita va ŭzbrojenym kanflikcie, vajennych abo hvałtoŭnych dziejańniach). Za heta praduhledžana pazbaŭleńnie voli na termin ad 5 da 10 hadoŭ.
U 2022 hodzie biełarus Andrej Hieryłovič pryjechaŭ na ciahniku z Homiela ŭ Krasnadar, adtul na taksi dabraŭsia na palihon PVK «Vahnier» i padpisaŭ kantrakt na vajnu va Ukrainu. Ukraincy ŭziali jaho ŭ pałon letaś u listapadzie.
Padčas dasudovych śledčych dziejańniaŭ, jak paviedamlała Słužba biaśpieki Ukrainy, Andrej Hieryłovič daŭ śviedčańni ab vajennych złačynstvach rasijskich vojskaŭ i vajenizavanych hrupovak, pieradaŭ ustanoŭčyja źviestki asob, datyčnych da ich, a taksama raskazaŭ pra katavańni, pazbaŭleńnie hrašovaha zabieśpiačeńnia i zabojstvy za nievykanańnie złačynnych zahadaŭ.
U studzieni pavodle hetaha samaha artykuła asudzili jašče adnaho biełarusa — Maksima Ziaziulčyka. Jon atrymaŭ maksimalny termin 10 hadoŭ, a 7 sakavika jaho pieradali ŭ Rasiju ŭ abmien na ŭkrainskich vajennapałonnych.
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary