«Chłopčyk Tomčyk». Źbirajuć hrošy na vydańnie trochmoŭnaj dziciačaj knihi
«Chłopčyk Tomčyk» — kniha na troch movach (biełaruskaj, ruskaj i anhlijskaj), napisanaja piśmieńnikam Siarhiejem Kalendam i ilustravanaja mastačkaj Maryjaj Šendziel.
Kniha raspaviadaje pra žyćciovyja pryhody chłopčyka Tomčyka, jaki vielmi lubić hulać i zusim nie lubić spać. Jana napoŭniena cikavymi historyjami pra mašynki, miačy i lubimyja chovanki.
Kniha napisana ź luboŭju, dabrynioj i ščyrym žadańniem lepšaj budučyni.
Sam aŭtar piša pra hetu knihu:
«Ideja knihi ŭźnikła sama saboj: kali naradziŭsia syn, my stali čytać knihi kožny viečar. Pastupova pačali źjaŭlacca historyi. Dziejańni majho syna Tamaša padkazali niekatoryja historyi, ci jon sam prapanavaŭ mnie napisać historyju pierad snom.
Ja vyrašyŭ napisać knihu na troch movach, kab mieć mahčymaść na praktycy vučyć dziaciej adrazu trom movam.
Ja, naprykład, jak baćka, starajusia padtrymlivać raźvićcio svaich dziaciej pa anhlijskaj, biełaruskaj i ruskaj movach. Užyvajem niekalki polskich i litoŭskich słoŭ, trochi niamieckich. Pierad snom my lohka možam skončyć knihu pa-biełarusku i pačać pa-rusku, plus my dadali zbornik piesień na litoŭskaj movie… Try movy ŭ adnoj knizie dapamahajuć dzieciam zasvoić šmat novych słoŭ».
Padtrymać vydańnie knihi možna pa spasyłcy.
Za achviaravańnie 5 dalaraŭ paśla vychadu knihi možna budzie atrymać elektronnuju viersiju, za 10 dalaraŭ — papiarovy asobnik z podpisam aŭtara.
Nieabchodnuju sumu treba sabrać da 26 sakavika.
Ciapier čytajuć
Addanaha jabaćku, jaki abražaŭ Śviatłanu Cichanoŭskuju ŭ Threads, kinuli za kraty21
Addanaha jabaćku, jaki abražaŭ Śviatłanu Cichanoŭskuju ŭ Threads, kinuli za kraty
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych1414
Kamientary