Na punkcie propusku «Kamienny Łoh» fura ŭrezałasia ŭ rejsavy aŭtobus
Uviečary 10 sakavika fura ŭrezałasia ŭ rejsavy aŭtobus na punkcie propusku «Kamienny Łoh», što na biełaruska-litoŭskaj miažy. Pra heta napisała vydańnie Tochka.by, jakomu videa ź miesca zdareńnia dasłali čytačy.
Pakolki na borcie aŭtobusa była bačnaja simvolika «Minsktransa», to redakcyja vydańnia źviazałasia ź pieravozčykam i daviedałasia detali zdareńnia.
Fura vriezałaś v passažirskij avtobus na punktie propuska "Kamiennyj łoh" pic.twitter.com/UCJdT3v4h0
Rejsavy aŭtobus jechaŭ ź Vilni ŭ Minsk, ź litoŭskaj stalicy jon vyjechaŭ u 16:00. Paśla taho, jak zdaryłasia heta DTZ, usich pasažyraŭ davieźli da Minska na padmiennym transparcie. Sam aŭtobus atrymaŭ lohkija paškodžańni i svaim chodam dabraŭsia da bazy. Nichto ŭ avaryi nie paciarpieŭ.
U «Minsktransie» ŭdakładnili, što vinavaty ŭ DTZ kiroŭca fury.
«Vina nie našaha aŭtobusa. Usich pasažyraŭ pierasadzili i davieźli da kančatkovaha punkta ruchu. Aŭtobus, jaki trapiŭ u DTZ, paśpiachova viarnuŭsia ŭ Minsk svaim chodam», — skazała pres-sakratarka DP «Minsktrans» Alena Hramyka.
Kamientary