«Druhaja Kałoža» — takuju nieaficyjnuju nazvu budzie nasić novaja carkva ŭ honar kniazia Alaksandra Nieŭskaha, jakuju ŭzvodziać na Indurskaj šašy ŭ Hrodnie, u mikrarajonie Višniaviec. Novy chram-pomnik stanie replikaj pieršapačatkovaha vidu Kałožskaj carkvy i pakaža, jak jana vyhladała ŭ XII st. adrazu paśla pabudovy, paviedamlaje «Błoh Hrodna».
Novy chram sprajektavali ŭ stylistycy hrodzienskaj architekturnaj škoły staražytnaruskaha dojlidstva z aryjentacyjaj na vizantyjskuju i ramanskuju architekturu. Daŭžynia chrama składzie 24,84 m, šyrynia — 12,1 m, a vyšynia da jabłyka kryža dasiahnie 19,95 m.
Pačałosia budaŭnictva ŭ kancy 2021 hoda, zaviaršyć raboty płanujuć da 2025-ha.
Aŭtar YouTube-kanała «Moj Rovar» pakazaŭ, jak budučy chram vyhladaje na siońniašni dzień.
Śviata-Barysa-Hlebskaja Kałožskaja carkva XII stahodździa — adzin z najstarejšych dziejnych chramaŭ Biełarusi. Chram praciahvaje žyć, niahledziačy na šmatlikija vyprabavańni. Adno z samych surjoznych adbyłosia ŭ siaredzinie XIX stahodździa, kali z-za apoŭźnia ŭ raku abrynułasia ściana carkvy.
Jaje adnavili, ale z dreva. Praz stahodździe draŭlanaja ściana zapatrabavała kapitalnaha ramontu. U kancy 2018 hoda byli zavieršanyja maštabnyja raboty pa zachavańni śviatyni.
Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija17
Kamientary