U biełaruskim archivie znajšli zapis pra śmierć maci maršała Rakasoŭskaha. Jana pamierła našmat raniej, čym ličyłasia
U Nacyjanalnym histaryčnym archivie Biełarusi paviedamili, što vyjaŭleny mietryčny zapis pra śmierć Antaniny Ivanaŭny Rakasoŭskaj — maci viadomaha savieckaha vojenačalnika Kanstancina Rakasoŭskaha.
Znojdzieny dakumient dazvalaje ŭdakładnić niekalki istotnych detalaŭ.
«Raniej ličyłasia, što Antanina Rakasoŭskaja pamierła ŭ 1911 hodzie, adnak u rečaisnaści heta adbyłosia značna raniej — 14 (1) lipienia 1906 hoda, a pryčynaj jaje śmierci va ŭzroście 53 hadoŭ stała vadzianka», — paviedamili ŭ archivie.
Zapis taksama adnaznačna śviedčyć, što pachavali Antaninu Rakasoŭskuju «na hramadskich cielachanskich mohiłkach».
Dakumient znajšoŭ inžynier-budaŭnik, a ciapier piensijanier Uładzimir Abramčuk. Raniej hety samy čałaviek znajšoŭ dakumient, što i sam maršał Rakasoŭski naradziŭsia nibyta na radzimie maci (u dziavoctvie Antaniny Aŭsiańnikavaj) — u miastečku Cielachany Pinskaha pavieta Minskaj hubierni (siońnia Ivacevicki rajon).
Praŭda, adnosna taho, što ŭ tym vypadku idzie havorka mienavita pra budučaha maršała, možna sumniavacca, bo hod naradžeńnia taho chłopčyka (1889) adroźnivajecca ad aficyjnaj daty (1896) ažno na 7 hadoŭ.
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ8
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary