«Źbierahčy dziaciej ad straty zroku, nastupnaha suicydu». Novy staršynia ABFF raskazaŭ, što źbirajecca rabić ź biełaruskim futbołam
Abrany siońnia na biezalternatyŭnaj asnovie novy kiraŭnik Biełaruskaj fiederacyi futboła Mikałaj Šarśnioŭ choć i niešmatsłoŭna, ale patłumačyŭ, jakimi bačyć svaje zadačy na novaj pasadzie i jakija prablemy stajać pierad biełaruskim futbołam.
Pavodle Šarśniova: «Chaciełasia b, kab my razam zrabili futboł takim, jakim jon byŭ tady, kali byli poŭnyja stadyjony. Kab futboł znoŭ staŭ masavaj nacyjanalnaj źjavaj».
Ale heta składana, bo časy ciapier zusim nie tyja, bo «mnohija zachoplenyja hadžetami». Tym nie mienš, razam z baćkami budzie rabicca ŭsio, «kab źbierahčy dziaciej ad straty zroku, nastupnaha suicydu, čaho ciapier, budziem ščyryja, dastatkova».
Prafiesijnymi futbalistami, kali ŭsio atrymajecca, stanuć nie ŭsie, «ale ŭ lubym vypadku heta budzie zdarovaje dzicia, fizična raźvitaje, z mocnaj psichikaj».
Pačatak pracy na novaj pasadzie dla Šarśniova budzie dastatkova zvyčajny, jak dla čałavieka, jaki raniej u hetaj śfiery nie pracavaŭ:
«Dla pačatku treba hłyboka pahruzicca i razabracca ŭ prablemach. U pryncypie mnohija na pavierchni. Tamu važna zrazumieć pryrodu niedachopaŭ, vyjavić ich i tolki razam z prafiesijanałami svajoj spravy prystupić da ich likvidacyi».
Turbuje ŭ biełaruskim futbole Šarśniova mnohaje, ale asobna vyłučana «hramadskaja dumka, jakaja skłałasia vakoł našaha futboła. Mierkavańnie zaŭziataraŭ, śpiecyjalistaŭ, kiraŭnictva krainy».
U detali leźci Mikałaj Šarśnioŭ pakul što admoviŭsia, ale paabiacaŭ, «što z usim, što budziem rabić, budziem dzialicca z presaj i zaŭziatarami. Usie rašeńni buduć uzvažanymi i kalehijalnymi».
Na zakančeńnie novy kiraŭnik ABFF vysoka acaniŭ pracu svajho papiarednika Uładzimira Bazanava: «Praca im praviedziena kałasalnaja. Samaje asnoŭnaje — byŭ pryŭniesieny sistemny padychod. Była pryniataja «Kancepcyja raźvićcia futboła», mety, zadačy. Jość fundamientalny dakumient, da jakoha možna źviartacca».
Svaju zadaču Šarśnioŭ bačyć u vyznačeńni miechanizmu realizacyi «fundamientalnaha dakumienta».
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary21
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»11
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary