Ukraina zadoŭha da rašeńnia Mižnarodnaha kryminalnaha suda vydać ordar na aryšt rasijskaha prezidenta Uładzimira Pucina zrazumieła, što razmaŭlać ź im nie maje sensu, skazaŭ ministr zamiežnych spraŭ Ukrainy Dźmitryj Kuleba.
«My viedali zadoŭha da ordara na aryšt MKS, što razmaŭlać z Pucinym biessensoŭna. 30 vieraśnia minułaha hoda Rada nacyjanalnaj biaśpieki i abarony Ukrainy pryniała rezalucyju, u jakoj zajaviła ab niemahčymaści lubych pieramovaŭ z Uładzimiram Pucinym u adkaz na sprobu Rasi anieksavać ukrainskija terytoryi», — skazaŭ Kuleba vydańniu Politico.
Pry hetym jon padkreśliŭ, što Kijeŭ nie adchilaje samu ideju mirnych pieramovaŭ.
Ukraina pradprymała šmatlikija sproby dasiahnuć mirnaha ŭrehulavańnia z momantu abrańnia Uładzimira Zialenskaha prezidentam u 2019 hodzie, i da pačatku rasijskaha ŭvarvańnia praviała 88 raŭndaŭ pieramovaŭ pry pasrednictvie Francyi i Niamieččyny, skazaŭ Kuleba.
Ukraina taksama sprabavała znajści ahulnyja padychody i paśla 24 lutaha 2022 hoda, ale biespaśpiachova, dadaŭ jon.
«Zamiest hetaha Rasija ŭzmacniła svaje žorstkija ataki i abviaściła ab płanach anieksii novych ukrainskich terytoryj. Prezident Zialenski jasna daŭ zrazumieć, što kali Pucin praciahnie hetuju sprobu anieksii, to razmaŭlać ź im budzie niemahčyma», — skazaŭ ministr.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary