Polšča budzie patrabavać uviadzieńnia dla Biełarusi sankcyj, anałahičnych rasijskim — polski ministr
Sankcyi, uviedzienyja suprać Biełarusi, pavinny być roŭnyja sankcyjam, uviedzienym suprać Rasii, zajaviŭ polski ministr Jeŭrasajuza Šyman Šynkoŭski vel Senk, jaki supravadžaŭ premjer-ministra Matevuša Maravieckaha na samicie Jeŭrapiejskaj rady ŭ Brusieli.
Palityk zajaviŭ žurnalistam, što padčas sustrečy Polšča źbirałasia stavić pytańnie pra ŭzmacnieńnie sankcyj suprać Rasii i što jany pavinny być uviedzienyja taksama ŭ dačynieńni da Biełarusi.
«Uzmacnieńnie sankcyj taksama aznačaje ŭviadzieńnie suprać Biełarusi sankcyj, padobnych da tych, što byli ŭviedzienyja ŭ dačynieńni da Rasii», — skazaŭ jon.
«My spadziajomsia, što hetaje rašeńnie narešcie budzie pryniata, ale my razumiejem, što heta składanaja zadača i, vierahodna, nie skončycca na hetaj sustrečy Jeŭrapiejskaj rady», — padkreśliŭ Šynkoŭski vel Senk.
Urad Polščy ŭžo nakiravaŭ u ES zapyt ab uviadzieńni sankcyj suprać Minska ŭ suviazi ź pieraśledam i prysudam apanientam režymu Alaksandra Łukašenki.
Šynkoŭski vel Senk taksama zajaviŭ, što niedapuščalna, kab Rasija praciahvała vykarystoŭvać ščyliny ŭ ciapierašnim režymie sankcyj.
«My ličym niedapuščalnym toje, što sankcyi možna abyści roznymi sposabami — chaj heta budzie ekspart aŭtamabilaŭ, elektroniki, bieśpiłotnikaŭ, mebli, tamu što hetyja sankcyi niepaśladoŭnyja», — skazaŭ jon.
«Kali Pačobuta adpuściać zaŭtra, to pierachod u «Babroŭnikach» budzie adkryty paślazaŭtra», — kiraŭnik MUS Polščy
Łukašenka zajaviŭ, što Zachad prapanoŭvaŭ jamu abmianiać biełarusaŭ, zatrymanych u Polščy za špijanaž na karyść Rasii
Palaki bajacca, što adnaŭleńnie pramych avijaznosin pamiž Tehieranam i Minskam robicca dla dastaŭki mihrantaŭ
Kamientary