Łukašenka zajaviŭ, što Zachad prapanoŭvaŭ jamu abmianiać biełarusaŭ, zatrymanych u Polščy za špijanaž na karyść Rasii
Alaksandr Łukašenka siońnia zhadaŭ ab zatrymańni ŭ Polščy 9 čałaviek, uklučajučy troch biełarusaŭ, jakija, pavodle polskaha boku, pracavali na rasijskija śpiecsłužby.
«Jany [na Zachadzie] ŭžo adkazać ničym nie mohuć. Viedajecie, aryštavali tam ukraincaŭ i biełarusaŭ: «O cudy! Na Rasiju pracavali». Ukraincy, biełarusy i inšyja. Ale nichto ničoha nie dakazvaje, nichto ničoha nie pakazvaje, što ž heta za ludzi, jakija pracavali na Rasiju. Špijonami abviaścili. Usio prosta: chočuć abmianiać. Chapajuć ludziej, kab prapanavać Rasii ci Biełarusi abmien na kahości. Užo prapanoŭvali», — zajaviŭ Alaksandr Łukašenka.
15 sakavika Ahienctva ŭnutranaj biaśpieki Polščy zajaviła, što likvidavała špijonskuju sietku, jakaja pracavała na Rasiju i pavinna była rychtavacca da dyviersijnaj dziejnaści ŭ Polščy.
Siarod ich try biełarusy — 41-hadovy Mikałaj Maskalenka, 28-hadovy Uładzisłaŭ Paśmiciucha i jaho dziaŭčyna — 18-hadovaja Maryja Miadźviedzieva.
-
U Minsku ładziać vialiki žanočy forum z Chakamadaj — kvitki ad 250 rubloŭ, siarod śpikieraŭ psieŭdanavukoŭka
-
«Nie mahu vyzvalić palitźniavolenych, ale mahu palepšyć žyćcio adnaho čałavieka». Biełaruska raskazała, jak stała pryjomnaj maci
-
Piensijanierka raspaviała, jak pad vidam supracoŭnikaŭ rajvykankama jaje ledź nie abłapošyli machlary
Kamientary