«Kali Pačobuta adpuściać zaŭtra, to pierachod u «Babroŭnikach» budzie adkryty paślazaŭtra», — kiraŭnik MUS Polščy
Ministr unutranych spraŭ i administracyi Maryjuš Kamiński zajaviŭ, što biełaruski bok atrymaŭ vyrazny sihnał ab tym, što pakul Andrej Pačobut znachodzicca ŭ turmie, budzie zakryty pamiežny pierachod u Babroŭnikach.
Ministr skazaŭ, što kali biełaruski režym budzie prymać miery suprać Polščy i polskaha naroda ŭ Biełarusi, to heta sustrenuć žorstkim adkazam.
«Biełaruski bok maje poŭnuju jasnaść u hetym pytańni. Kali Andrej Pačobut zaŭtra budzie vyzvaleny, paślazaŭtra budzie adkryty prachod u Babroŭnikach», — skazaŭ ministr.
Pamiežny pierachod «Babroŭniki» na miažy ź Biełaruśsiu byŭ zakryty polskaj dziaržavaj 10 lutaha 2023 hoda ŭ adkaz na vyniasieńnie 8-hadovaha prysudu žurnalistu i polskamu aktyvistu ŭ Biełarusi Andreju Pačobutu.
Da zakryćcia «Babroŭniki» byli adnym z najbujniejšych pamiežnych pierachodaŭ na polska-biełaruskaj miažy. Paśla hetaha žycharam Hrodzienskaj vobłaści davodzicca jeździć u Polšču praź Litvu ci praz Brest.
23 lutaha 2023 hoda ministr abarony Polščy Maryjuš Błaščak zajaviŭ, što Polšča pačała «previentyŭnaje pašyreńnie mier biaśpieki» na miažy ź Biełaruśsiu i Rasijaj. A 9 sakavika palaki paśla ŭźviadzieńnia ŭmacavańniaŭ na miažy z rasijskaj Kalininhradskaj vobłaściu pierajšli i da abstalavańnia miažy ź Biełaruśsiu.
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary