Natalla Pinčuk, žonka źniavolenaha łaŭreata Nobieleŭskaj premii Alesia Bialackaha, pravodzić ciapier u Vilni sustrečy ź litoŭskimi ŭładami, palitykami, biełaruskaj dyjasparaj, miascovaj univiersiteckaj supolnaściu i mas-miedyja. Jana sustrełasia i ź ministram zamiežnych spraŭ Litvy Habryelusam Łanśbierhisam.
Natalla Pinčuk najpierš padziakavała Łandśbierhisu za toje, što litoŭskaja dziaržava ŭžo zrabiła i robić. Jana havaryła pra patreby miedyčnaj i inšaj humanitarnaj dapamohi dla palitviaźniaŭ, a taksama pra patrebu praciahvać vizavuju i inšuju dapamohu dla biełarusaŭ, vymušanych źjechać sa svajoj krainy, ratujučysia ad palityčnaha pieraśledu.
Kiraŭnik MZS Litvy, u svaju čarhu, zajaviŭ, što jaho kraina šmat zrabiła i budzie praciahvać rabić dla biełarusaŭ, jakija ciarpiać ad palityčnaha pieraśledu na radzimie, i budzie praciahvać vydavać vizy, choć časam heta zrabić składana, bo ŭ Minsku zastaŭsia tolki adzin litoŭski dypłamat.
Habryelus Łandśbierhis taksama raskazaŭ pra rolu Litvy ŭ farmavańni pazicyi Jeŭrasajuza adnosna Biełarusi.
Z 20 pa 31 sakavika ŭ Varšavie i Vilni prachodziać «Tydni salidarnaści» z łaŭreatam Nobieleŭskaj premii miru biełaruskim pravaabaroncam Alesiem Bialackim i ź inšymi biełaruskimi palitviaźniami.
Ciapier čytajuć
«Ni tady, ni siońnia ja nie liču, što zrabiŭ štości kiepskaje». Dziadok ščyra raskazaŭ pra byłyja adnosiny z 16‑hadovaj dziaŭčynaj49
Kamientary