Na praśpiekcie Niezaležnaści hareŭ aŭtobus z pasažyrami
Siońnia ranicaj na praśpiekcie Niezaležnaści ŭ Minsku hareŭ aŭtobus. Heta zdaryłasia ŭ rajonie stancyi mietro «Barysaŭski trakt», na baku, što viadzie da vulicy Kalinoŭskaha.
Nievialiki aŭtobus, jaki nie chodzić pa haradskich maršrutach u Minsku, a vykonvaje zaharadnyja pieravozki, hareŭ adkrytym połymiem, ahoń achapiŭ usiu piaredniuju častku, a taksama amal uvieś sałon. Na miescy byli rabotniki MNS, paviedamlaje Onliner.by.
«Pra zdareńnie ŭ MNS paviedamili a 07.20 hadzinie, praz 10 chvilin pažar byŭ likvidavany», — prakamientavała Volha Mielčanka, aficyjnaja pradstaŭnica Minskaha haradskoha ŭpraŭleńnia MNS.
U momant uzharańnia ŭ aŭtobusie było 6 čałaviek. Usim udałosia samastojna pakinuć sałon aŭtobusa. Paciarpiełych niama.
Taksama ŭ MNS udakładnili, što zhareŭ aŭtobus, jaki pryjechaŭ u Minsk z Žodzina. Uzharańnie adbyłosia za adzin prypynak da kancavoj.
Pryčyna ŭzharańnia vyśviatlajecca, jak miarkujecca, heta zdaryłasia praz karotkaje zamykańnie elektrapravodki.
Čytać taksama:
Na miažy Hiermanii i Niderłandaŭ zatrymali biełarusa z 300 tysiačami jeŭra
U Babrujsku mužčyna padčas zastolla zabiŭ pryjaciela cahlinaj. I spakojna loh spać
Kamientary