Litva paprasiła ŭ Jeŭrasajuza dadatkovyja srodki dla ŭmacavańnia miažy ź Biełaruśsiu
Kiraŭnica litoŭskaha MUS Ahnie Biłatajcie nakiravała jeŭrakamisaru pa ŭnutranych spravach Ilvie Jochansan list, u jakim paprasiła vydzielić Litvie dadatkovaje finansavańnie dla ŭzmacnieńnia achovy miežaŭ. Litoŭskaja dziaržava choča atrymać hrošy na ŭstanoŭku patrulnaj ściežki na miažy ź Biełaruśsiu.
Ahnie Biłatajcie adznačyła, što dziakujučy sumiesnym ź ES namahańniam, Litva maje adnu z najbolš intehravanych sučasnych sistem kiravańnia źniešniaj miažoj u ES. Ale infrastrukturu možna pašyrać, kab miaža była maksimalna hatovaja da roznaha rodu pahroz.
Pakul u płanach u Litvy ramont najaŭnych i budaŭnictva novych učastkaŭ patrulnaj ściežki ŭzdoŭž miažy z RB. Dla hetaha treba kala 60 miljonaŭ jeŭra. Z dapamohaj ściežki pamiežniki zmohuć bolš apieratyŭna reahavać na praryvy fizičnych barjeraŭ.
Biłatajcie ŭpeŭnienaja, što realizacyja prajekta dapamoža jak u baraćbie ź nielehałami, tak i ŭ zmahańni z kantrabandaj.
Ciapier čytajuć
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ1
Kamientary