Maładziečaniec adbiŭ ad varon paranienaha zajca i «ŭhavaryŭ» pajechać na lačeńnie
Incydent zdaryŭsia na vulicy Babuškina ŭ Minsku. Žychar Maładziečna Pavieł jechaŭ u stalicu pa spravach i ŭbačyŭ, jak na abočynie dźvie varony ŭ litaralnym sensie zadzioŭbvajuć zajca. Maładziečaniec doŭha nie dumaŭ, umiašaŭsia ŭ «kanflikt» i pavioz niebaraku lačyć, piša kraj.by.
— Vierahodna, zajca źbiła mašyna. Źviarok byŭ u mocnym stresie. Kali ja nabliziŭsia, «kasy» sprabavaŭ uciačy. Padaŭ i biŭsia hałavoj ab drevy, potym adbivaŭsia łapami. Chadziŭ za im i ŭhavorvaŭ dać mahčymaść dapamahčy. A toj ni ŭ jakuju — znoŭ uciok, imčaŭsia na darohu. U rešcie rešt, złaviŭ. 40 chvilin za im haniaŭsia, — raspaviadaje Pavieł.
Pa słovach Paŭła, zajcu dobra dastałasia — varony vydzieŭbali ŭ niebaraki kavałak futra, niešta niadobraje było i z vokam.
U vyniku Pavieł adnios zajca ŭ mašynu i pavioz dadomu ratavać. Niebaraku pasialili ŭ kletku, jakuju pazyčyli susiedzi. Pavieł apracoŭvaŭ rany, i praz paru dzion u zajca pačaŭ zjaŭlacca apietyt.
— Ja ździviŭsia, što ni morkva, ni kapusta novamu siabru nie «zajšli». Kudy lepš pryjšlisia pa dušy maładyja halinki dreŭ, jabłyki i buraki, — uśmichajecca Pavieł. — A chitry jaki akazaŭsia! Idu praviedać, zirnuć, ci žyvy, a toj čuje, što niechta idzie, i kładziecca z vyciahnutymi nahami, zakatvaje vočy i prykidvajecca miortvym. Toj jašče «basurman»!
Pavieł udakładniŭ, što maje namier vypuścić zajca ŭ les, jak tolki toj adužaje.
-
Hety architektar prajektuje padziemnyja harady dla samych bahatych na vypadak Treciaj suśvietnaj vajny
-
Zornaja biełaruskaja intelektuałka pajšła na realici ad TNT — budzie pleści intryhi, kab atrymać 100 tysiač jeŭra
-
Dzianis ź Niaśviža dziesiać hadoŭ adpracavaŭ na likiora-harełačnym zavodzie. A znajšoŭ siabie i najlepš staŭ zarablać jak błohier Ałkabard
Ciapier čytajuć
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca
Kamientary