«Za pustuju kvateru zapłaciŭ pad 190 rubloŭ, nie pracavaŭ navat chaładzilnik». Biełaruskija dalnabojščyki ŭ šoku ad svaich žyrovak
Paśla taho, jak u śpis «darmajedaŭ» patrapili kiroŭcy-dalnabojščyki, jakija pracujuć u jeŭrapiejskich firmach, im vystaŭlajuć vializnyja rachunki za kamunałku.
«Zamiest 60 rubloŭ za miesiac mnie daviadziecca zapłacić pad 190»
Zhodna z pastanovaj Saŭmina № 166 ad 25 sakavika 2022 hoda, biełarusy, jakija źjechali z krainy bolš čym na 30 dzion i nie zaniatyja ŭ ekanomicy, musiać apłačvać žyllova-kamunalnyja pasłuhi ŭ poŭnym abjomie. Vyklučeńnie — tyja, chto vyjechaŭ na azdaraŭleńnie abo lačeńnie.
U śpis «darmajedaŭ» traplajuć i tyja, chto aficyjna pracuje ŭ krainach ES. Heta značyć, što jany taksama pavinny płacić za kamunałku na poŭnuju. Ad apłaty pa pavyšanych taryfach vyzvalajuć tolki tych, chto vyjechaŭ na pracu ŭ krainy JEAES.
Praz heta biełaruskija dalnabojščyki, jakija pracujuć u jeŭrapiejskich firmach i majuć nieruchomaść u Biełarusi, akazalisia ŭ cikavym stanoviščy.
Čytač raspavioŭ, što byŭ mocna ździŭleny, kali paśla viartańnia z čarhovaj kadencyi daviedaŭsia, što jamu pieraličyli žyroŭku za luty.
«Za kvateru, u jakoj nichto nie žyvie, ciapier zamiest 60 rubloŭ za miesiac mnie daviadziecca zapłacić pad 190», — aburajecca mužčyna.
Mužčyna kaža, što pakolki jon žyvie adzin, to ŭ toj čas, kali jon pa 2-2,5 miesiaca znachodzicca ŭ Jeŭropie, u kvatery nie pracuje navat chaładzilnik, tamu ahučanaja suma vychodzić za kamunalnyja pasłuhi z nulavym spažyvańnie vady, haza i elektryčnaści.
«Dobra było b pradać kvateru da nastupnaha aciaplalnaha siezona»
Inšy surazmoŭca, jaki taksama apošnim časam staŭ atrymlivać žyroŭki pa pavyšanym taryfie, pracuje kiroŭcam u Polščy, kudy ŭžo paśpieŭ pieravieźci žonku i dzicia.
«Asabliva adčuvalna sumy pavialičylisia z nadychodam zimy. Za luty za kamunałku trochpakajoŭki, dzie nichto nie žyvie, nam daviałosia zapłacić 300 rubloŭ. Da pieraraźliku nikoli bolš za 100 rubloŭ za pustuju kvateru nie vychodziła», — kaža jon.
Mužčyna kaža, što takija taryfy padšturchoŭvać jahonuju siamju da taho, kab pazbavicca nieruchomaści ŭ Biełarusi.
«Płacić pa sto jeŭra ŭ miesiac za pustuju kvateru — tak sabie zaduma. Hetaj zimoj my pačali surjozna zadumvacca nad tym, što dobra było b pradać kvateru da nastupnaha aciaplalnaha siezona», — dzielicca mužčyna.
Ci varta ciapier razhladać kuplu nieruchomaści jak dobruju inviestycyju i srodak źbieražeńnia nakapleńniaŭ?
Nabližany da Łukašenki biznesoviec zbudavaŭ kompleks nasuprać Pałaca Niezaležnaści. Voś jak jon vyhladaje
«Najlepšy zaharadny dom u Biełarusi, premium-kłas!» Jakija damy pradajuć na bierazie Naračy
Ciapier čytajuć
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna4
Kamientary