Z nadychodam viasny ŭzrastaje popyt na dačy i adpačynak za horadam. Asobnyja haradžanie pryzvyčailisia ładzić pikniki i ŭ miežach horada. U tureckim horadzie Końja vyrašyli pajści nasustrač žycharam i stvaryli ceły haradok dla adpačynku z hrylem.
Jak paviedamlaje sajt horada, śpiecyjalnaja zona dla piknikoŭ zajmaje płošču 975 sotak. Na joj raźmieščanyja 454 asobnyja ŭčastki pa adnoj sotcy. Usie jany adnolkava abstalavanyja zonaj dla barbiekiu i vadapravodam. Navat raśliny adnolkavyja.
Akramia hetaha, u «sadovym tavarystvie» jeść sacyjalnyja abjekty ahulnaha karystańnia, takija jak fitnes- i dziciačaja placoŭka, pamiaškańnie dla malitvy.
Arandavać učastak možna za płatu. Da taho ž, kab dabracca, nieabchodna mieć aŭtamabil. Darohi zaasfaltavanyja, častka ŭčastka vykładzienaja plitkaj, a druhaja — zasiejanaja travoj. Usio vyhladaje dastatkova ŭrbanistyčna. Ale heta nie źmianšaje papularnaści takich učastkaŭ.
Końja — heta horad u centralnaj častcy Turcyi z nasielnictvam 2,2 miljona čałaviek. Ën źviazany z Ankaroj i Stambułam chutkasnymi čyhunkami.
U adroźnieńnie ad zvyčajnych miescaŭ dla piknika, kudy viadzie tolki adna daroha i dzie majecca tolki adna stajanka, tut terytoryja padzielenaja na kvartały, a mašynu možna pryparkvać niepasredna kala ŭčastka. Sama zona adpačynku izalavanaja ad susiedziaŭ.
Jak dumajecie, ci varta takoje pieraniać i biełarusam?
Čytajcie jašče:
Šale, hłempinh i chatki na drevach. Top niezvyčajnaha žylla dla adpačynku ŭ Biełarusi
«Abmierkavali, vyrašyli — pahnali!» Pabudavali modnuju trochvuholnuju chatu-šale ŭsiaho za paŭhoda
Ad 10 da 270 tysiač dalaraŭ. Dačy ŭ vakolicach Minska pradajucca pa canie kvater
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks17
Kamientary
počiemu-to voźnikli associacii s sieviernym kładbiŝiem v Minskie