«Łohika ŭkrainskaj administracyi zrazumiełaja, ale nie chaciełasia b, kab jana nastupiła na tyja ž hrabli» — Viačorka pra intervju daradcy Zialenskaha
Daradca Śviatłany Cichanoŭskaj Franak Viačorka ŭ kamientary Biełaruskamu rasśledavalnickamu centru vykazaŭsia adnosna vykazvańnia daradcy Uładzimira Zialenskaha Alaksandra Radnianskaha ŭ intervju «Našaj Nivie», što ŭkrainskija ŭłady naŭmysna paźbiahajuć znosin sa Śviatłanaj Cichanoŭskaj i jaje prychilnikami.
«Łohika ŭkrainskaj administracyi vielmi zrazumiełaja. Jany nie chočuć złavać Łukašenku. Im zdajecca, što kali jaho nie złavać, nie pravakavać, jon nie napadzie. Ale hetak ža dumali da lutaha 2022 hoda, i my bačyli, čym heta skončyłasia.
Nie chaciełasia b, kab kiraŭnictva Ukrainy nastupała na tyja ž hrabli», — zajaviŭ Biełaruskamu rasśledavalnickamu centru daradca Śviatłany Cichanoŭskaj Franak Viačorka.
Pry hetym jon padkreśliŭ, što Kabiniet Cichanoŭskaj budzie padtrymlivać Kijeŭ «niezaležna ad taho, jakija zajavy buduć rabić daradcy Zialenskaha».
Jon taksama nie pahadziŭsia z zajavaj Radnianskaha ab tym, što biełaruskaja apazicyja nierelevantnaja.
«Što tyčycca Śviatłany Cichanoŭskaj, to jana vyjhrała vybary ź vialikaj dolaj vierahodnaści, za jaje prahałasavali miljony biełarusaŭ. Ihnaravać hety fakt — niedalnabačnaść, a to i prosta nierazumieńnie ŭkrainskim kiraŭnictvam biełaruskaj situacyi.
U intaresach Ukrainy mieć mocnyja demakratyčnyja siły i słaby režym Łukašenki», — upeŭnieny Viačorka.
Čytajcie taksama:
Byłyja aktyvy «Biełarusnafty» va Ukrainie pierajšli Rynatu Achmietavu
-
MARH zarubiŭ inicyjatyvu stvareńnia ŭ Minsku eśpierymientalnaj kramy biez ceńnikaŭ
-
Bolš za pałovu biełarusaŭ z novaha śpisu, jakija vajujuć za Rasiju, majuć sudzimaści
-
«Pavinien byŭ pisać, jak choča ekśpiert». Što pakazała dziaržaŭnaja psichalinhvistyčnaja ekśpiertyza artykułaŭ palitviaźnia Ihara Iljaša
Ciapier čytajuć
Były vykładčyk Iniaza pierajšoŭ na biełaruskuju ŭ emihracyi. Jon razvažaje pra los univiersiteta, biełarusaŭ za miažoj i adroźnieńnie nas ad palakaŭ77
Kamientary