Były palitźniavoleny Dźmitryj Hopta razam z maci pakinuŭ Biełaruś
Pra toje, što były palitźniavoleny ź mientalnymi asablivaściami Dźmitryj Hopta razam z maci Volhaj Hopta źjechaŭ ź Biełarusi, paviedamiŭ na svajoj staroncy ŭ fejsbuku homielski aktyvist Illa Mironaŭ.
Dźmitryj Hopta i jaho los stali adnym z najiaskraviejšych simvaličnych uvasableńniaŭ vyklučnaj amaralnaści i biaźlitasnaści stvoranaha Alaksandram Łukašenkam režymu.
Hety čałaviek maje psichičnuju chvarobu, u jaho razumovaja adstałaść. U 2020 hodzie jaho, tady 21-hadovaha, zatrymali padčas pratestaŭ u rodnym Žłobinie i asudzili, niahledziačy na prablemy chłopca sa zdaroŭjem, da dvuch hadoŭ pazbaŭleńnia voli. Pa paradzie pryznačanaha dziaržaŭnaha advakata Hopta paćvierdziŭ, što kinuŭ kamieniem u bok milicyi, praŭładnyja miedekśpierty dali zaklučeńnie pra toje, što jon viedaŭ, što rabiŭ, sudździa Iryna Pradun prysudziła bieź nijakich źnižak na mientalnyja asablivaści dva hady źniavoleńnia.
Paśla maci Dźmitryja dva hady zmahałasia za toje, kab syna vyzvalili daterminova. Jon źviartaŭsia z prośbaj ab pamiłavańni na imia Łukašenki, pad pietycyjaj z prośbaj ab jaho vyzvaleńni padpisałasia 7000 čałaviek, byli spadziavańni na toje, što niaščasny chłopiec trapić pad amnistyju.
Ale ŭsie namahańni i spadziavańni byli marnymi — Dźmitryj Hopta adsiadzieŭ uvieś termin ad zvanka da zvanka i vyjšaŭ na volu tolki 31 śniežnia 2022 hoda. Bolš za toje — u vieraśni 2022-ha jaho ŭklučyli ŭ śpis MUS «asob, jakija majuć dačynieńnie da ekstremisckaj dziejnaści», što aznačała dadatkovyja ździeki. Prytym, jak śviedčyła jaho maci, da samaha kanca źniavoleńnia jon tołkam tak i nie ŭśviadomiŭ, za što jaho karajuć.
«Dzima rydaŭ, nie moh spynicca». Što kaža maci chłopca z razumovaj adstałaściu, jakomu admovili ŭ pamiłavańni
«Dzima zapłakaŭ: «Mama, nie chaču!» Za biesparadki ŭ kałoniju adpravili chłopca z razumovaj adstałaściu
«Mama, mnie vielmi soramna, što ja tut». Maci Dźmitryja Hopty sa Žłobina sustrełasia z synam u kałonii
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary