Kadyraŭ admoviŭsia sustrakacca z čačencami, što trapili ŭ pałon. I adpraviŭ ich znoŭ na front
U Čačniu z ukrainskaha pałonu viarnułasia piaciora vajskoŭcaŭ. Jany trapili ŭ pałon 14 śniežnia i praviali ŭ im čatyry miesiacy.
Voś jak prakamientavaŭ vyzvaleńnie svaich ziemlakoŭ kiraŭnik Čačni Ramzan Kadyraŭ, jaki skazaŭ: «Ja liču, što ŭ čačenskaha voina nie pavinna być nijakich pryčyn apynucca ŭ pałonie.
Apraŭdańni mohuć być roznyja, ale jak by tam ni było, voin pavinien dakazać, što ŭ jaho nie było inšaha vyjścia. I dakazać heta treba, viarnuŭšysia na pieradavuju».
Pa hetaj pryčynie jon admoviŭsia ad sustrečy z sałdatami. «Heta pytańnie honaru nie tolki asobna ŭziataha bajca, ale i pytańnie honaru ŭsiaho padraździaleńnia, usiaho pałka, u jakim bajcy słužać. Chaj dakažuć, što jany nie paźbiahali boju, nie bajalisia sustrecca z voraham i nie šukali mahčymaści skłaści zbroju i vyratavacca ad kul», — napisaŭ jon u telehramie.
Kadyraŭ udakładniŭ, što «pałon — nie złačynstva».
«Za hadzinu da svajho pałonu jany źviazvalisia pa racyi i paviedamlali, što ŭ ich zakančvajucca bojeprypasy. Ale kožny voin pavinien nie prosta biazdumna stralać, a abdumvać kožny streł, bierahčy kožny patron.
Uśviedamlaju, što ŭ hetym jość i maja vina, što jany akazalisia niedastatkova padrychtavanyja da takoj situacyi i nie da kanca razumieli, što bajec pavinien płanavać [vykarystańnie] svajho bojekamplekta», — dadaŭ kiraŭnik Čačni.
Napiaredadni Ukraina i Rasija praviali vielikodny abmien pałonnymi, 130 čałaviek viarnulisia va Ukrainu z rasijskaha pałonu.
Ciapier čytajuć
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?29
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić88
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić8
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci55
Kamientary