Słužba achovy dziaržaŭnaj miažy Litvy zajaviła, što biełaruski pamiežnik siońnia znoŭ parušyŭ miažu. Heta adbyłosia ranicaj u Salečnickim rajonie ŭ vioscy Staki.

Sistema videanazirańnia zapisała, jak dva pamiežniki išli ŭzdoŭž miažy. Azirajučysia, jany padyšli da miažy. Adzin z pamiežnikaŭ pierasiek liniju miažy, zajšoŭ na terytoryju Litvy na 2 mietry i viarnuŭsia nazad, paviedamlaje litoŭskaje pamiežnaje viedamstva.
Pa hetym fakcie pačali papiaredniaje rasśledavańnie.
Heta druhi padobny vypadak za apošni tydzień. 12 krasavika adzin ź biełaruskich pamiežnikaŭ užo zachodziŭ na terytoryju Litvy na adlehłaść kala adnaho mietra. U suviazi z hetym incydentam Litva nakiroŭvała Biełarusi notu pratestu.
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona

Kamientary