U haspadarkach Biełarusi pačali ŭborku kukuruzy. Letašniaj kukuruzy
Daždžlivaja vosień uniesła ŭ strojnyja płany ahraryjaŭ svaje karektyvy. Tamu kukuruzu ŭbirajuć zaraz.
Akazvajecca, dla darahich kambajnaŭ pieraŭvilhotnienaja hleba vosieńskich paloŭ u Biełarusi mahła stać niepieraadolnaj pieraškodaj. Tamu było vyrašana prablemnyja pali z kukuruzaj pakinuć u jakaści ekśpierymientu da viasny. Usiaho 72 hiektary pa ŭsioj krainie ŭ roznych haspadarkach, paviedamlaje «Sputnik».
Adno z takich paloŭ u vioscy Łazoŭka ŭ Krupskim rajonie. Na 4 hiektarach caryca paloŭ niadrenna pierazimavała, niahledziačy na pilnuju ŭvahu dzikich žyvioł. Zaraz pa suchoj hlebie zamiežny kambajn upeŭniena małocić złakavuju kulturu.
«Zaraz u troch haspadarkach krainy zastajecca 16 hiektaraŭ kukuruzy», — raspavioŭ žurnalistam vice-premjer Leanid Zajac.
Pavodle jaho słoŭ, bolšuju častku prybrali ŭ zimovyja miesiacy, ciapier zastajucca apošnija ekśpierymientalnyja hiektary.
Jon dadaŭ, što prybirać viasnoj kukuruzu, viadoma, možna tolki ŭ vyklučnych vypadkach, kali skłałasia takaja abstanoŭka, što techniku było vyrašana pabierahčy.
«Siońnia my bačym, što takaja kukuruza nie straciła jakaść. Adzinaja pahroza zychodzić ad dzikoŭ», — panarakaŭ Leanid Zajac.
Pryčym jon zaklikaŭ sialan usio ž vykonvać terminy ŭborki, tamu što kukuruza pavinna być sabrana da kanca śniežnia ŭ spakojnym tempie.
«Niachaj hramadzianie nie dziviacca, što my pakinuli hetyja pasievy na viasnu. Prosta, kab paźbiehnuć straty techniki i nabyćcia vopytu, my pakinuli kukuruzu na nastupny hod», ― rastłumačyŭ jašče raz vice-premjer.
Pavodle jaho słoŭ, hetaja kukuruza ničym nie adroźnivajecca ad prybranaj vosieńniu navat pa vonkavym vyhladzie, ale maje nizkuju vilhotnaść. Jana suchaja i dobra paddajecca i abmałotu, i sieparacyi. Tamu vydatna padychodzić u jakaści kormu dla žyvioł.
Pry hetym jon źviarnuŭ uvahu, što ŭ krainie atrymali dobry ŭradžaj kukuruzy ― bolš za 80 centnieraŭ z hiektara na korani.
«Zabivać i łamać darahuju techniku — nie pa-haspadarsku. Tamu my lepš pačakajem i prybiarom kukuruzu tady, kali heta mahčyma», ― jašče raz padsumavaŭ Leanid Zajac.
Ciapier čytajuć
U pačatku vajny kavezešnicu Marynu Hrycuk vyvozili z-pad Kijeva na tanku. Ciapier jana viadzie mierapryjemstvy ŭ Rasii4
Kamientary
krepki chaziajśvińnik zapomnicca jašče i tym, što uradžaj kukuruzy pry im źbirali 3 razy ŭ hod
AHŁ odobrił eti ekśpierimienty? Pochožie čto sobstviennuju biezałabiernosť podajut pod sousom novoj tiechnołohii. Skoro asfalt v śnieh budiet naučno obosnovan AN