Mierc rezka raskrytykavaŭ rašeńnie ZŠA źmiakčyć sankcyi suprać rasijskaj nafty
Jon zajaviŭ, što bolšaść krain G7 vystupali suprać takoha kroku i ličać jaho pamyłkovym.
Kancler Hiermanii Frydrych Mierc raskrytykavaŭ rašeńnie ZŠA časova asłabić sankcyi suprać rasijskaj nafty, pryniataje na fonie rostu suśvietnych cen z-za vajny na Blizkim Uschodzie, piša Bild.
Padčas sustrečy z premjer-ministram Narviehii Jonasam Haram Steram i kiraŭnikom urada Kanady Markam Karni jon zajaviŭ, što bolšaść krain G7 vystupali suprać takoha kroku i ličać jaho pamyłkovym.
Pavodle słoŭ Mierca, na videakanfierencyi lidaraŭ G7 šeść krain padtrymali zachavańnie cisku na Maskvu, adnak Vašynhton pryniaŭ inšaje rašeńnie. Kanadski premjer taksama padkreśliŭ, što Atava maje namier praciahvać sankcyjnuju palityku, uklučajučy abmiežavańni suprać tak zvanaha «cieniavoha fłotu», jaki vykarystoŭvajecca dla pieravozki rasijskaj nafty.
Ministr abarony Hiermanii Borys Pistoryus zajaviŭ, što asłableńnie sankcyj moža pavialičyć dachody Rasii ad ekspartu syraviny i tym samym uzmacnić pahrozu dla Ukrainy. Pavodle jaho słoŭ, sajuźniki čakali ŭzhodnienych dziejańniaŭ, adnak ZŠA pryniali rašeńnie samastojna, kab źnizić ceny na naftu na fonie vajennaha kanfliktu ź Iranam.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec21
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary