Pa prośbie ZŠA Ukraina admianiła «jubilejnyja» ataki na Rasiju — Washington Post
Ukrainskaja raźviedka płanavała masavyja ŭdary pa Maskvie ŭ hadavinu poŭnamaštabnaha ŭvarvańnia 24 lutaha, ale admoviłasia ad hetaha pa prośbie ZŠA.
Jak paviedamlaje amierykanskaje vydańnie The Washington Post, heta havorycca ŭ sakretnym dakładzie Ahienctva nacyjanalnaj biaśpieki ZŠA, jaki trapiŭ u sieciva. Paviedamlajecca, što va Ukrainie navat razvažali ab marskim udary z vykarystańniem traciłu pa čarnamorskim partovym horadzie Novarasijsk.
«Kiraŭnik vajennaj raźviedki Ukrainy Kirył Budanaŭ płanavaŭ śmiełyja ŭdary ŭ hłybokim tyle voraha, što vyklikała turbotu aficyjnych asob u Vašynhtonie. U lutym, kali da pieršaj hadaviny ŭvarvańnia Rasii va Ukrainu zastavalisia ličanyja dni, aficyjnyja asoby ŭ Kijevie byli zaniatyja raspracoŭkaj płanaŭ napadu na Maskvu. Hienierał-major Kirył Budanaŭ daručyŭ adnamu sa svaich aficeraŭ «padrychtavacca da masavych udaraŭ 24 lutaha… usim, što jość u rasparadžeńni HUR», — havorycca ŭ materyjale.
Čynoŭniki ŭ Vašynhtonie tajemna nazirali za płanami ŭkraincaŭ, a ŭ Biełym domie bajalisia, što ataki ŭnutry Rasii mohuć spravakavać ahresiŭny adkaz Kramla.
22 lutaha, za dva dni da hadaviny ŭvarvańnia, CRU raspaŭsiudziła novy sakretny dakład: HUR «pa prośbie Vašynhtona pahadziŭsia adkłaści ŭdary» pa Maskvie.
Hetyja źviestki stali častkaj masivu sakretnaj infarmacyi, jakaja prasačyłasia ŭ sieciva niadaŭna, ale ź jaje niezrazumieła, chto mienavita ŭmiašaŭsia i čamu ŭkraincy pahadzilisia adstupić.
Ukraina źbirałasia napaści na rasijskija vojski ŭ Siryi — WP
Što ciapier ź italjanskimi vizami? Masavyja admovy? Turfirmy nazyvajuć alternatyvu6
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary