Iran za paŭhoda adpraviŭ u Rasiju kala 300 tysiač artyleryjskich snaradaŭ i miljon patronaŭ — WSJ
Uzbrajeńnie pastaŭlajecca rasijskimi karablami praz Kaśpijskaje mora.
Za apošnija paŭhoda Iran adpraviŭ u Rasiju kala 300 tysiač artyleryjskich snaradaŭ i miljon patronaŭ, paviedamlaje The Wall Street Journal sa spasyłkaj na ŭłasnyja krynicy na Blizkim Uschodzie.
Pavodle źviestak vydańnia, uzbrajeńnie pastaŭlajecca rasijskimi karablami praz Kaśpijskaje mora. Apošniaja partyja, pra jakuju stała viadoma žurnalistam, adpraviłasia ź Irana na pačatku sakavika 2023 hoda. Sa słoŭ krynic haziety viadoma, što tady na borcie rasijskaha hruzavoha sudna «Rasuł Hamzataŭ» znachodziłasia blizu dźviuch tysiač artyleryjskich snaradaŭ.
Hazieta adznačaje, što paśla razhruzki ŭ porcie Astrachani sudna viarnułasia ŭ Iran, paśla čaho znoŭ adpraviłasia ŭ Rasiju ŭ kancy sakavika.
Raniej pra iranskija pastaŭki bojeprypasaŭ u Rasiju paviedamlaŭ telekanał Sky News. Pavodle jaho źviestak, u studzieni 2023 hoda ź iranskaha porta ŭ RF adpravilisia hruzavyja karabli «Musa Džalil» i «Biehiej», na borcie jakich znachodzilisia blizu 200 transpartnych kantejnieraŭ sa zbrojaj. Hetaja pastaŭka ŭklučała 100 miljonaŭ patronaŭ, kala 300 tysiač snaradaŭ, u tym liku dla rakietnych i artyleryjskich ustanovak, hranatamiotaŭ, minamiotaŭ i kulamiotaŭ, a taksama kala 10 tysiač broniekamizelek i kasak. Ekśpierty, ź jakimi razmaŭlali žurnalisty, paličyli hetyja ličby zavyšanymi.
Uvosień 2022 hoda stała viadoma, što Iran źbirajecca pastavić Rasii balistyčnyja rakiety «Fatech-110» i «Zulfikar». U pačatku sakavika hazieta Financial Times pisała, što Rasija pakul ustrymlivajecca ad zakupak balistyčnych rakiet u Irana praz bojaź, što paśla hetaha ZŠA pačnuć pastaŭlać Ukrainie dalnabojnyja rakiety ATACMS.
Ciapier čytajuć
Ci zabiare kampjutar vašu pracu i kali robaty pačnuć myć za nas posud? Raspytali ekśpierta pra štučny intelekt1
Kamientary