Suprać Navalnaha zaviali kryminalnuju spravu ab teraryźmie. Jamu pahražaje pažyćciovaje źniavoleńnie
Alaksiej Navalny zajaviŭ, što ŭ ramkach kryminalnaj spravy ab ekstremiźmie ŭ dačynieńni da jaho vydzielena asobnaja «terarystyčnaja sprava», pa jakoj jaho budzie sudzić vajenny sud. Aficyjnych kamientaroŭ na hety kont nie było.
«Mnie pahražaje 30 hadoŭ pa hetaj spravie, mabyć, pažyćciovaje pa nastupnaj», — zajaviŭ palityk, vystupajučy pa videasuviazi ŭ Basmannym sudzie Maskvy.
Taksama viadoma, što palityka čarhovy raz adpravili ŭ štrafny izalatar. 25 krasavika, kali jon vyjšaŭ z ŠIZA paśla 15 sutak, jaho znoŭ adpravili ŭ izalatar na toj ža termin.
«Jak pryniata kazać u takich vypadkach — viacha! Dla mianie admianili žaleznaje praviła turmaŭ, jakoje vykonvałasia i ŭ SSSR, i ŭ Rasii: paśla «kvača» u ŠIZA zeka treba choć by na sutki «padniać» na zonu pierad tym, jak dać jašče adnaho «kvača». Złamaŭ sistemu. Praŭda, u niapravilny bok», — z sumam dadaŭ palityk.
Sa žniŭnia 2022 hoda Alaksieja Navalnaha adpraŭlajuć u štrafny izalatar užo 14-y raz. Raniej administracyja kałonii adpraŭlała jaho ŭ izalatar praz toje, što palityk, naprykład, nie zašpiliŭ huzik pavodle statutu, nie pravilna pradstaviŭsia abo «prysieŭ na škonku».
Ciapier čytajuć
Biaspałaŭ kančatkova rassvaryŭsia ź Cichanoŭskim: Dla jaho dobry tolki adzin čałaviek — Prakopjeŭ75
Kamientary
Biełaruś užo daŭno eksperymentalnaje pole dla rasiejskich uład