Abjadnany pierachodny kabiniet zaklikaŭ uzmacnić sankcyi na režym Łukašenki za katavańni palitviaźniaŭ
Abjadnany pierachodny kabiniet Biełarusi vystupiŭ z zajavaj u suviazi z umovami turemnaha ŭtrymańnia i stanam zdaroŭja Viktara Babaryki.
U svajoj zajavie APK źviartaje ŭvahu na stanovišča ŭ turmie hałoŭnaha kankurenta Łukašenki na pasadu prezidenta 2020 hoda, jakoha navat nie dapuścili da vybaraŭ. Da Viktara Babaryki nie dapuskajuć advakataŭ i svajakoŭ, jaho blizkija i hramadskaść nie majuć mahčymaści ŭvačavidki pierakanacca, što jaho stan źjaŭlajecca «zdavalniajučym», jak heta paviedamlajuć supracoŭniki balnicy, dzie jon znachodzicca.
«Režym praciahvaje parušać usie mahčymyja mižnarodnyja standarty abychodžańnia ź viaźniami ŭ turmach. Samo pa sabie źniavoleńnie Viktara Babaryki, eks-kandydata na pasadu prezidenta, nie maje pravavoha abhruntavańnia i źjaŭlajecca palityčna matyvavanym pieraśledam», — havorycca z zajavie APK.
Abjadnany pierachodny kabiniet zajaŭlaje, što ličyć niedapuščalnym i niemahčymym vieści pieramoŭny praces z režymam ab źniaćci sankcyj u situacyi, kali biełaruskija palitźniavolenyja padviarhajucca ŭ turmach katavańniam, psichałahičnamu cisku, roznabakovym nieabhruntavanym abmiežavańniam.
Pavodle APK, pačatak pieramoŭ ab pasłableńni sankcyj mahčymy vyklučna paśla spynieńnia režymam represij i vyzvaleńnia ŭ pieršuju čarhu palityčnych źniavolenych, jakija nie pavinny znachodzicca za kratami pa mierkavańniach humannaści: ludziej ź invalidnaściu, ciažkimi zachvorvańniami, piensijanieraŭ, niepaŭnaletnich, šmatdzietnych baćkoŭ, žančyn.
APK patrabuje dapuścić da Viktara Babaryki jaho advakataŭ i svajakoŭ, dać mahčymaść hramadskaści pierakanacca ŭ tym, što stan Viktara Babaryki źjaŭlajecca «zdavalniajučym» i jamu akazvajecca ŭsia nieabchodnaja miedycynskaja dapamoha.
APK zaklikaje mižnarodnuju supolnaść «napoŭnicu vykarystoŭvać instrumient sankcyjnaha cisku na režym Łukašenki jak samy adekvatny cyvilizavany sposab pryciahnieńnia złačyncy da adkaznaści za złačynstvy, jakija jon bieśpierapynna ździajśniaje suprać čałaviečnaści».
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali6
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2727
Kamientary