Rasija zamianiła pryjarytet zachopu Bachmuta na padrychtoŭku da kontrnastupu — ISW
Ministerstva abarony Rasii, padobna, admoviłasia ad nastupu na Bachmut na karyść padrychtoŭki da adbićcia čakanaha ŭkrainskaha kontrnastupu, pastaviŭšy PVK «Vahnier» i jaho sponsara Jaŭhiena Pryhožyna ŭ składanaje stanovišča, piša Instytut vyvučeńnia vajny (ISW).
Upartaść PVK «Vahnier» u Bachmucie niesumiaščalnaja z ahulnym zapavoleńniem tempaŭ rasijskich nastupalnych apieracyj u inšych častkach Ukrainy. Kali nie ličyć abmiežavanych łakalnych napadaŭ u rajonie Kramiannoj i pad Danieckam, rasijskija siły praktyčna spynili nastupalnyja apieracyi na ŭsim teatry vajennych dziejańniaŭ, što, mahčyma, aznačaje pierachod da abarony, havorycca ŭ dakładzie instytuta.
Dla rasijskaha kamandavańnia było b apraŭdanym rašeńniem ekanomić i nazapašvać bojeprypasy i inšyja raschodnyja materyjały, kab padrychtavacca da ŭkrainskaha nastupu, i adčajnyja zajavy Pryhožyna ŭkazvajuć na toje, što Minabarony Rasii, imavierna, tak i robić, ličać aŭtary dakłada.
Pakul niezrazumieła, ci sapraŭdy Pryhožyn maje namier pakinuć Bachmut 10 maja, ci jon zrabiŭ hetuju zajavu ŭ apošniaj sprobie zaručycca padtrymkaj rasijskaha Hienštaba. Kali vahnieraŭcy ŭsio ž taki syduć, im spatrebicca dapamoha Minabarony dla prykryćcia i palahčeńnia adstupleńnia. Akramia taho, rasijskim vajskoŭcam nie chapaje reziervaŭ dla zamiaščeńnia pazicyj, jakija PVK «Vahnier» moža pakinuć u Bachmucie.
Vializnyja straty, paniesienyja PVK «Vahnier» u Bachmucie dziela taktyčnych pośpiechaŭ, a taksama pierachod rasijskich Uzbrojenych sił da bolš aściarožnych dziejańniaŭ, pa ŭsioj bačnaści, adkryvajuć ukrainskim vojskam mahčymaści dla paśpiachovych kontratak na roznych učastkach frontu. Niekatoryja z hetych mahčymaściaŭ jany ŭžo vykarystoŭvajuć, choć ISW nie ličyć ich abaviazkovaj častkaj čakanaha ahulnaha nastupu USU.
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki15
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1515
Kamientary