Pryhožyn zajaviŭ, što vyviedzie vahnieraŭcaŭ z Bachmuta. Što dumajuć na hety kont USU
Lidar vahnieraŭcaŭ Jaŭhien Pryhožyn paabiacaŭ vyvieści svaich bajcoŭ z Bachmuta 10 maja z-za adsutnaści bojeprypasaŭ. Pa acency ŭkraincaŭ, u «Vahniera» skančajucca bajcy, a nie snarady.
«Ja vyvodžu padraździaleńni PVK «Vahnier» z Bachmuta, bo pry adsutnaści bojeprypasaŭ jany asudžanyja na biessensoŭnuju hibiel», — zajaviŭ jon u zvarocie da vajskovaha kamandavańnia i Uładzimira Pucina, apublikavanym u telehramie.
Razam z tym intensiŭnaść bajoŭ u Bachmucie nie spadaje. Pa słovach pradstaŭnika Uschodniaj hrupoŭki vojskaŭ USU Siarhieja Čaravataha, rasijanie praciahvajuć atakavać na hetym kirunku, ciažkija bai praciahvajucca.
Taksama USU aściarožna kamientujuć hetyja zajavy Pryhožyna, tłumačačy, što ŭ ich jość svaja meta. «Na praciahu miesiacaŭ Pryhožyn sprabuje rabić epatažnyja zajavy, kab pryciahnuć da siabie ŭvahu», — kaža vajskoviec u kamientaryi Bi-bi-si.
Pavodle jaho słoŭ, heta robicca pa dvuch pryčynach — u vahnieraŭcaŭ zakančvajucca bajeviki i praciahvajecca ŭnutranaje supraćstajańnie ŭ rasijskim vajennym kiraŭnictvie.
«Za hetyja sutki źniščana 137 akupantaŭ, 202 paranienyja, jany niasuć vialikija straty», — kaža Čaravaty i dadaje, što nasamreč, u ich nie bojeprypasny, a čałaviečy hoład. Rasijskaje Minabarony, ź jaho słoŭ, nie adpraŭlaje vahnieraŭcam padmohu ŭ takoj kolkaści, jak im chaciełasia b.
Ale niahledziačy na hetyja zajavy, pakul vahnieraŭcy praciahvajuć atakavać USU ŭ Bachmucie, tam i dalej praciahvajucca ciažkija bai. Čaravaty paviedamiŭ, što za sutki byli 43 bojesutyknieńni i 520 abstrełaŭ roznymi kalibrami. «Intensiŭnaść bajoŭ nie spadaje. Ja dumaju, jany i dalej robiać usio, kab zachapić Bachmut da 9 maja».
Łukašenka niervova prakamientavaŭ vizit Cichanoŭskaj u Kijeŭ45
Kamientary