Siońnia ŭ Finlandyi adkryty aficyjny orhan uliku sabak Koachregisteri (siirryt toiseen palveluun), jaki supravadžaje Finlandskaje ahienctva raźvićcia. U rejestr unosiać identyfikacyjnyja źviestki sabak i źviestki pra ich uładalnikaŭ.
Na pieršym etapie svaju žyviołu mohuć rehistravać tolki pryvatnyja asoby, paźniej heta zmohuć zrabić taksama pradpryjemstvy i hramadstva, piša Yle.fi.
Čypavańnie i rehistracyja sabak stali abaviazkovymi na pačatku hoda. Rejestr pavinien byŭ adkrycca tady ž, ale z-za techničnych prablem jaho zmahli zapuścić tolki ciapier.
Uzimku ŭ ahienctva charčavańnia pastupili sotni zvarotaŭ z nahody novaŭviadzieńnia: 90% vodhukaŭ byli niehatyŭnymi. Siarod inšaha, razdražnieńnie sabakavodaŭ vyklikali płata za rehistracyju i toje, što ŭ bolšaści vypadkaŭ anałahičnaja infarmacyja ŭžo jość u Asacyjacyi kinołahaŭ Finlandyi.
Uładalniki sabak pavinny rehistravać svaich hadavancaŭ navat kali infarmacyja pra ich užo jość u Asacyjacyi kinołahaŭ. Košt rehistracyi praz elektronnuju słužbu, kali ŭ haspadara jość finski identyfikacyjny kod i dostup da anłajn-bankinhu, składaje 10 jeŭra. Kali rehistracyja abo źmiena ŭładalnika afarmlajecca inakš, košt pasłuhi pavyšajecca da 19 jeŭra za kožnaha sabaku.
Rehistracyi padlahajuć usie sabaki, jakija pražyvajuć u Finlandyi. Kali ŭ sabaki jašče niama mikračypa i identyfikacyjnaha siertyfikata, uładalnik pavinien aformić ich svajmu sabaku na praciahu hetaha hoda.
Jak ličać pradstaŭniki ŭładaŭ, rehistracyja i identyfikacyja nieabchodnyja, u liku inšaha, dla taho, kab ludzi nie kidali žyvioł na volu losu i nie zajmalisia nielehalnym raźviadzieńniem sabak.
Kožny sabaka pavinien być zarehistravany da kanca hoda. Pa danych niadaŭniaha apytańnia, praviedzienaha kampanijaj Taloustutkimus pa zamovie Asacyjacyi kinołahaŭ, u Finlandyi naličvajecca 803000 sabak.
Samaha toŭstaha ŭ śviecie kata pasadzili na dyjetu
Čałaviek-kot i čałaviek-sabaka: toje, jakaja ŭ vas chatniaja žyvioła, moža šmat raskazać pra vaš charaktar
«Jon prymusiŭ mianie havaryć ź ludźmi». Brytanka raspaviała, jak biazdomny sabaka ź Minska staŭ jaje siabram i vyratavaŭ ad depresii
Čamu kot vybiraje adnaho haspadara? Daznajciesia, jak spadabacca vašamu hadavancu
Ciapier čytajuć
Prakurorski načalnik aburyŭsia nieabhruntavanymi zatrymańniami biełarusaŭ11
Kamientary